Putindı qoldaǧan Azamatqa qarsy şyǧyp, ǧaibattau ülken qatelık. Būl pıkırdı dıntanuşy ǧalym Zıkıriia Jandarbek Facebook paraqşasynda jazdy, dep habarlaidy “Adyrna” ūlttyq portaly.
“Qūrmettı bauyrlar! Bır ekı-kün boldy Mäjılıs deputaty Azamat Äbıldaevty Reseidı, Putindı qoldaimyn degenı üşın FB-da, t.b. äleumettık jelıde ittei talap jatyr. Ol deputat jıgıttıŋ pıkırıne qarsy şyǧyp jatqan azamattardyŋ ışınde nebır ataqty, abyroily azamattar bar. Serık Pırnazar degen bauyrymyz «Mūnyŋ adamnan jaratylǧanyna ülken kümänım bar»-jazypty. Mūndai aiyptaulardyŋ jetı atasy örıp jür. Bıraq, sonda būl jıgıttıŋ osylai dep, aituyna ne sebep boldy? degen sūraq köpşılıktıŋ oiyna kelmeptı. Būl öte qauıptı sindrom. Azamat bauyrymyz orystyŋ Ukraina jerıne nelıkten basyp kırgenın özınıŋ öresı jetken jerge deiın aitty. Sonyŋ özı tüsıngen adamǧa jeterlık bolatyn. Reseidıŋ Ukrainaǧa soǧys aşuyna sebep bolǧan basty faktor, Reseidıŋ qauıpsızdıgıne töngen qauıptıŋ aldyn alu edı. Egerde Ukraina jerıne AQŞ bastaǧan Batys elderı iadrolyq qarularyn äkep qoiatyn bolsa, Reseidıŋ ol soǧysta aman qaluy mümkın emes edı. Būl tūrǧydan kelgende Reseidıŋ Ukrinaǧa soǧys aşuyn tüsınuge bolady. Azamat osy tūrǧydan aityp otyr. Sondyqtan taily-taiaǧymyzben Azamatqa qarsy şyǧyp, ǧaibattau ülken qatelık. Jalpy būl postymda aitylatyn negızgı mäsele būl emes. Būdan kürdelı. Bıraq ony köpşılık tüsıne alady ma? Joq pa? Men ony bılmeimın. Men de men Reseidıŋ, Putinnıŋ jeŋgenın qalaimyn. Erteŋgı künı qazaq jerıne de basyp kırse qaitesıŋ? -dep aitatyndaryŋyzdy da bılemın. Ärine. Ondai jaǧdai qalyptassa men elımdı, jerımdı, qorǧaimyn”, dep jazdy ol.Sondai-aq, onyŋ aituynşa, Reseidıŋ bızdıŋ elge tiıspeuı üşın Ukrainany qoldap, Reseidı jau sanaǧandy qoiu kerek.
“Bıraq, mäselenı olai uşyqtyrmai şeşuge bolady. Ol üşın Ukrainany qoldap, Reseidı jau sanaǧandy qoiu kerek. Sonda Resei de bızdıŋ elımızge degen terıs piǧylynan bas tartady degen oidamyn. Menıŋ bıletınım, būl soǧysta Resei jeŋıluge tiıs emes. Sonda myŋdaǧan adamdy öltırıp jatqan Reseidıkı dūrys dep esepteisız be? -deulerıŋız mümkın. Ras. Alaida, Resei jeŋılse, adami bolmys jeŋılıp, adamzat balasy haiuani bolmystyŋ jetegınde ketedı. Būl soǧysta halyq myŋdap, milliondap qyryluy mümkın, bıraq, AQŞ pen Batys elderı jeŋetın bolsa, onda adamzat balasy milliardtap qyrylady. Öitkenı, adamzat balasy tolyǧymen azǧyndyq jolyna tüsedı. Qazırgı AQŞ bastaǧan Batys memleketterınıŋ adamzatty azǧyndatyp, adami bolmysyn qūrtuǧa baǧyttalǧan saiasaty adamzattyŋ basyna töngen basty qauıp. Onyŋ yqpalyn qazırgı künı qazaq halqy anyq sezınıp te, körıp te otyr. Elımızge kelıp, jastardy azǧyndatyp, LBGT, gemoseksualizm t.b. adamnyŋ azǧyndauyna aparatyn türlı joldardy elımızge äkelgen toptyŋ artynda kımder tūr? Mektepterge «Älemdık qūzırettılık» degen pändı engızudı talap etıp, balalarymyzdy qyrşynynan qiatyn jobany elımızge tyqpalap otyrǧan kımder? Egerde Resei Ukrainada jeŋıletın bolsa, onda osy azǧyndyqtyŋ barlyǧyn öz qolymyzben ıske asyruǧa mäjbür bolamyz. Sebebı, ondai jaǧdaida AQŞ pen Batys elderınıŋ aiaǧyn tartyp, qarailaityn eşkım qalmaidy. Bükıl älemge özderı bi, özderı qoja bolatyn zamanǧa jetedı. Bıraq olardyŋ da öz maqsattaryna jetuı mümkın emes. Osy jaryq dünie men on segız myŋ ǧalamdy jaratqan Täŋır Taǧala mūndai azǧyndyqtyŋ tolyǧymen ıske asuyna mümkındık bermeidı. Adamzat basyna aqyrzaman apatyn äkeledı. Aqyrzamannyŋ belgılerı qazırgı tolyǧymen derlık jer betıne şyqty. Bır ǧana künnıŋ batystan şyǧuy ǧana qaldy. Qazırgı közı qaraqty, jer betınde qandai apattardyŋ bolyp jatqanyn körıp, baqylap jürgen adam, menıŋ sözımnıŋ jalǧan emestıgıne kuälık bere alady. İsmatulla qari siiaqty ruhani älemnen habary bar tūlǧalardyŋ Putindı, Reseidı qoldap jüruınde osyndai hikmet bar. Osy qaterdı sezınbegen jandardyŋ Ukrainany, AQŞ pen Batys elderın qoldaitynyn, özderınşe ädılettı qorǧap jürmız dep oilaitynyn körgende adam sanasynyŋ qanşalyqty materialdyq bolmys jetegınde ketkenıne köz jetkızemız. Ökınışke orai, mūnyŋ soŋy bükıl adamzat balasy üşın qūrdym ekenın de sezıne alar emespız”, - dedı dıntanuşy ǧalym Zıkıriia Jandarbek.
