Ózbekstan men Qazaqstan óz azamattarynyń eki el aýmaǵynda ózara bolý merzimin bes kúnnen 30 kúnge deıin uzartty. Bul týraly Ózbekstannyń syrtqy mıgraııa agenttiginiń baspasóz qyzmeti málimdedi, dep habarlaıdy “Adyrna” ulttyq portaly.
Aqparat boıynsha, 2000 jylǵy 7 shildedegi "Azamattardyń ózara saparlarynyń sharttary týraly" ózbek-qazaq úkimetaralyq kelisimine eki el azamattarynyń el aýmaǵyna kelý, bolý jáne ketý tártibine ózgerister engizilgen.
"Endi Ózbekstan azamattary shekaradan ótken kúnnen bastap 30 kúntizbelik kún ishinde Qazaqstanda tirkeýsiz bola alady", - dep jazylǵan agenttiktiń Telegram-arnasynda.
Buǵan deıin bul merzim bes kúnnen aspaıtyn. Endi qazaqstandyqtardyń Ózbekstanda bolý merzimi de uzartyldy.
Bul rette eki eldiń azamattary 30 kúnnen aspaıtyn merzimge, barlyǵy 180 kúntizbelik kúnniń árbir kezeńinde 90 kúnge vızasyz ózara sapar jasaı alady, dep aqparat taratty baspasóz qyzmeti.
