Búgin OSK Respublica partııasy Syrymbek Taýdyń Májilis saılaýynan shettetilýi jaıly málimdeme jasady, dep habarlaıdy "Adyrna" ulttyq portaly.
Málimdemede Respublica partııasy birden berilmeıtinin, kúresti áli jalǵastyratynyn aıtty:
- Bálkim, formaldyq dúnıe óte mańyzdy shyǵar, biraq ol óte laıyq kandıdat boldy.
Syrymbek nólden bastap jeke kásibin ashyp, 600 den astam adamdy jumyspen qamtyp, memleket bıýdjetine jalpy somasy 10 mıllıard teńgeden astam salyq tólegen.Biraq Syrymbek elge kómekti tek ekonomıkalyq úlespen ǵana kórsetip júrgen joq. Qıyn-qystaý kezeńde de halqyna qoldaý kórsetti. Pandemııa kezinde onyń kompanııasy Almatydaǵy 9800 otbasyna azyq-túlikpen járdemdesti, «Biz birgemiz» jáne «Shuǵyla» qaıyrymdylyq qoryna qarajat bóldi. «Taý shańyraq» qaıyrymdylyq qorynyń negizin qalaýshylardyń biri. Talǵar qalasyndaǵy balalardy ońaltý ortalyǵynyń qurylysyna qomaqty qarjy bóldi. Sý tasqynynan zardap shekken Arys qalasy men Maqtaaral aýdanynyń 100 turǵynyna kómek kórsetti.
Syrymbek Taý – naǵyz azamattyń jarqyn úlgisi!
Partııa tóraǵasy A.Qojanazarov bolǵan jaǵdaıǵa qaramastan,Respublica partııasy berilmeıtinin, kúresti jalǵastyrady, - dedi partııa ókilderi.
Buǵan deıin Respublica partııasynan Májilis depýtattyǵyna túsetin úmitkerlerdiń esimi belgili bolǵan edi. Olardyń arasynda Nurlan Qoıanbaev, Aıdarbek Hodjanazarov, Qýanysh Shonbaı syndy tulǵalardyń esimi ataldy. Sondaı-aq, tizimge engen Syrymbek Taýdyń bir okrýg boıynsha saılaýǵa qatysatyny anyqtalǵan aıtyldy.
"Adyrna" ulttyq portaly
