Belgılı käsıpker Syrymbek Tau özın ne üşın sailaudan şettetkenın aitty. Būl turaly ol özınıŋ Facebook paraqşasynda jariialady, dep habarlaidy “Adyrna” ūlttyq portaly.
“Ardaqty Alaş, qadırmendı Qazaǧym – ekı-üş kün boldy äleumettık jelıdegınıŋ jel şyǧaratyn jalǧyz temasy Syrymbek Tau bolyp tūr... Men, Sızderge mäselenıŋ män-jaiyn tüsındıre keteiın. 2004 jyly Qazaqstanǧa köşıp keldım. 2006 jyldan berı tūraqty tırkeudemın. Men oqyǧan QR ATAzaŋynyŋ 51 baby, 4-şı tarmaǧynda «Qazaqstan Respublikasynyŋ azamattyǧynda tūratyn «jäne» onyŋ aumaǧynda soŋǧy on jylda tūraqty tūryp jatqan adam Parlament deputaty bola alady»-dep, anyq jazylǧan. Konstitusiiada «QR azamattyǧynda tūratyn» jäne dep tūr ǧoi!!! Qazaqşa ūǧatyn adam retınde «azamattyǧy bar adam» sailauǧa qatysa alady dep tūr. Odan keiın jaŋaǧy JÄNE degen sözden keiın 10 jyl tūraqty tūratyn degen ekınşı oi, ekınşı talap jazylǧan. Atazaŋnyŋ osy sözıne süiene otyryp, dokument tapsyrdym. Menıŋ qolyma Qazaqstan respublikasynyŋ qūjaty 2013-jyldyŋ tamyzdyŋ segızı künı qolyma berıldı. Bıraq, Konstitusiiada tölqūjat dep tūrǧan joq qoi. Onda azamattyǧy bar adam jäne on jyl elde tūraqty tūrǧan adam dep jazuly tūr! Ainalyp kelgende, men QR azamatymyn! Ol azdai 10 jyldan artyq el aumaǧynda tūrdym. Älı de aman bolsam tūra beremın!
Qai zaŋnyŋ, qandai talabyna süiengenın bılmeimın SİK: menıŋ tölqūjat alǧan datasyna qarap menı sailaudan şettettı. Ortalyq sailau komissiiasy maǧan qiianat jasap, ädeiı būrmalady deuden aulaqpyn. Bıraq, kelesı Parlamentte otyratyn azamattar osyndai ärkım ärtürlı tüsınetın zaŋdardy tüzeidı dep senem.
Keşelı berı, Syrymbek özınıŋ tekserısten ötpeitının bıle tūra ne üşın sailauǧa qatysady, jūrtty bosqa dürlıktıredı dep jatqan tyrnaqşa ışındegı tıleulesterıme: Zaŋnyŋ şikı tūsyn aşyp oquǧa keŋes berem!”, dep jazdy käsıpker.
