"Bız endı bylai jasaimyz. Olarǧa däl özderı siiaqty jauap beremız. Amerikalyq ärıptester kelısımnen şyǧatynyn jariialady, bız de solai ısteimız" dedı Putin syrtqy ıster ministrı Sergei Lavrov jäne qorǧanys ministrı Sergei Şoigumen kezdesude.
Prezident sonymen bırge ekı vedomstvodan būdan bylai AQŞ-pen qarusyzdanuǧa qatysty kelıssöz jürgızu turaly bastama kötermeuın sūraǧan. Bıraq Reseidıŋ ūsynystary öz küşınde qalady dep aitqan.
"Būl salada barlyq ūsynystarymyz būrynǧydai küşınde qalady, kelıssözge aşyqpyz" dedı Putin.
Jūma künı AQŞ prezidentı Donald Tramp 2 aqpannan bastap AQŞ kelısımge qatysty mındettemelerın oryndaudy toqtatady jäne kelısımnen şyǧu prosedurasyn bastaidy dep mälımdegen.
Memleket hatşysy Maik Pompeo AQŞ-tyŋ alty aidan soŋ kelısımnen müldem şyǧatynyn, bıraq Reseimen qarulanudy baqylau jönınde kelıssöz jürgızuge äzır ekenın jetkızgen.
AQŞ mūndai şeşım qabyldardan būryn kelısım şarttaryn oryndau mäselesın Reseimen ūzaq talqylaǧan. Ekı el ökılderı soŋǧy ret 31 qaŋtar künı Pekinde kezdesıp, tıl tabysa almaǧan.
BŪŪ-nyŋ bas hatşysy Antoniu Gutteriş Mäskeu men Vaşington jarty jyl ışınde jaŋa kelısım bekıtedı dep ümıttenetının aitty.
1987 jyly AQŞ pen Sovet Odaǧynyŋ basşylary qol qoiǧan "Orta jäne qysqa qaşyqtyqqa arnalǧan iadrolyq zymyrandardy joiu" kelısımı Europa men özge de aimaqtaǧy beibıtşılıktıŋ kepılı retınde qabyldanyp kelgen. Bıraq soŋǧy uaqytta Vaşington men Mäskeu būl qūjatqa qatysty kelıspei qalyp jürgen.
AQŞ pen NATO 9M729 atty iadrolyq qanatty zymyran jasau arqyly Resei tarihi kelısımdı būzdy dep aiyptaǧan. Al Resei "būl zymyrannyŋ ūşu alystyǧy 500-den aspaidy, säikesınşe kelısım şarttaryn būzǧan joqpyz" degen.
"Azattyq" radiosy
