20 aqpan künı Almaty qalasyndaǧy EverJazz djaz-klubynda Türkiiadaǧy zılzaladan zardap şekkenderdı qoldauǧa arnalǧan qaiyrymdylyq keşı ötedı. Bilet satylymynan tüsken jäne konsert uaqytynda jinalǧan barlyq qarjy AFAD (Apattar men tötenşe jaǧdailardy joiu basqarmasy) esepşotyna audarylady.
Şarany 2010 jyly halyqaralyq TÜRKSOI ūiymy aiasynda qūrylǧan halyqaralyq jastar kameralyq orkestrı ūiymdastyrady. Aksiiaǧa Türkiianyŋ Almaty qalasynda bas konsuldyǧy qoldau körsettı.
«Bügın bızdıŋ jaqyn bauyrlarymyz, tuystas Türık elı tabiǧi apattan zardap şegıp, auyr künderdı bastan ötkerude. Mūny barlyq aqparat qūraldarynan körıp otyrsyzdar. Türık älemıne ärdaiym qol ūşyn sozuǧa daiyn tūratyn Türkiia elı bügınde bızdıŋ kömekke mūqtaj bolyp otyr. Bauyrlarymyzǧa tek qarjylai kömekke ǧana emes, moraldyq qoldau asa qajet. Olar bızdıŋ jürekten şyqqan jyly sözderımız ben tuystyq qoldauymyzdy sezınulerı kerek. Būl qadamymyz olarǧa ümıt syilap, jıgerlendıredı. Bız, halyqaralyq TÜRKSOI ūiymy tübı bır türkı elderınıŋ önerpazdaryna «Bız bırgemız» degen ūranmen kömek körsetuge şaqyrdyq. Allaǧa şükır, bızge qūlaq asqandar köp boldy. Türkiianyŋ qiyn künderınde, jandarynda bolaiyq!»,-dedı TÜRKSOI ūiymynyŋ Bas hatşysy Sūltan Raev.Qaiyrymdylyq keşte «GATOB_QUARTET» jäne «4RIVERS QUARTET» ışektı kvartetterınıŋ klasikalyq şyǧarmalary oryndalady. Opera truppalarynyŋ solisterı Oleg Tatamirov pen Erjan Täjımbetov keş qonaqtary üşın arnaiy baǧdarlama daiyndady. EverJazz djaz-klubynyŋ rezidentterı tanymal jūldyz Diana Makina, Take off Trio, Ekaterina Homenkova jäne Aleksandr Rudovskiide sahnada öner körsetedı.
«Qazaqstannyŋ muzykanttary men EverJazz klubynyŋ müşelerı auyr kezeŋderdı bastan ötkerıp jatqan Türkiia halqyna bei-jai qarai almaidy. Barynşa qoldau körsetuge daiynbyz»,-dedı EverJazz djaz-klubynyŋ direktory Aleksei Glazyrin.«GATOB_QUARTET» tobynyŋ bırınşı skripkaşysy, ūiymdastyruşyl Äsem Qalman: TÜRKSOI ūiymynyŋ arqasynda Türkiia TÜRKSOI halyqaralyq jastar kameralyq orkestrı üşın ekınşı üiı bolyp qaldy. 2010 jyldan berı bız ūjymmen bırge Anadoly elınde bırneşe ret jäne älemnıŋ är tükpırınde öner körsettık. Bızdıŋ bauyrlar körgen qaiǧy-qasıret barlyǧymyzdyŋ jüregımızdı ezdı, qara jamylǧan ärbır otbasyǧa qaiǧyryp köŋıl aitamyz. Būl qaiyrylymdylyq keş arqyly bız - Almaty qalasynyŋ muzykanttary tuystas elge qoldau körsetkımız keledı,-dedı.
