Bas áskerı prokýratýranyń málimetinshe, búgingi kúni bılikti asyra paıdalanyp, ózin-ózi óltirýge deıin jetkizý boıynsha kúdikti retinde tanylǵan áskerı shendi tergeýge tústi. Qylmystyq is qujattaryna sáıkes ol B.Mırashty jáne onymen birge áskerge shaqyrylǵan basqa da merzimdi áskerı qyzmetkerlerge psıhologııalyq qysym kórsetip, qorlap, júıeli túrde soqqyǵa jyqqan.
Kúdikti qamaýǵa alynyp, tergeý jalǵasýda jáne erekshe baqylaýǵa alynǵan.
"Tergeý barysynda bolǵan oqıǵanyń barlyq nusqalary, sonyń ishinde jynystyq zorlyq-zombylyq múmkindigi tekserildi. Alaıda, bul derek rastalmaǵan. Advokattyń ótinishhattary belgilengen merzimde qaraldy jáne qylmystyq is júrgizý zańnamasy tártibimen qanaǵattandyryldy."Bas áskerı prokýratýranyń baspasóz qyzmeti
Advokat S. Pralıevtiń qylmystyq istiń mán-jaılaryn jarııalaý jónindegi áreketteriniń zańdylyǵyn ýákiletti organ, advokattardyń tártiptik komıssııasy qaraıdy.
Qylmystyq-proestik kodekstiń 201-babyna sáıkes jeke ómirge, jeke jáne otbasylyq qupııaǵa qol suǵylmaýshylyqty eskere otyryp, sotqa deıingi tergep-tekserý jónindegi ózge de aqparat jarııa etilýge jatpaıdy.
"Adyrna" ulttyq portaly
