Elordada elimizdiń túkpir-túkpirinen kelgen 800-den astam qatysýshynyń basyn qosqan «AMANAT» partııasynyń áıelder forýmy ótti. Jıynǵa belgili saıası jáne qoǵam qaıratkerleri, kópbalaly analar, kásipkerlik, bilim berý sııaqty jáne basqa da salalardyń ókilderi qatysty.
Is-shara barysynda qazirgi qoǵamdaǵy áıelderdiń róli, sondaı-aq olardyń óz qabilet-qarymyn júzege asyrýyn jáne eldiń saıası ómirine aralasýyn qamtamasyz etýge baǵyttalǵan «AMANAT» partııasynyń bastamalary talqylandy.
Partııanyń Respýblıkalyq saılaýaldy shtabynyń basshysy Erlan Qoshanov áıelderdiń memlekettik basqarý isine jáne qoǵamdyq ómirge aralasýyn keńeıtý qajet ekenin atap ótti.
«Halqymyz áýel bastan analarymyzǵa, jary men qaryndas-qyzdaryna zor qurmetpen, syılastyqpen qaraǵan. Sondyqtan otbasynyń ǵana emes, Otanymyzdyń tarıhyndaǵy áıelderdiń róli qashanda erekshe. Partııaǵa da ózderińizdeı kúsh-qýaty mol jandar qajet ekeni anyq. Biz árbir áıeldiń eńbegi men armanyna qurmetpen qaraımyz, sizderdiń bastamalaryńyzdy qoldaýǵa ázirmiz. Biz ortaq maqsattarymyzǵa ózderińizben ıyq tirese birge qadam jasaýǵa daıynbyz», - dep atap ótti «AMANAT» partııasynyń Tóraǵasy.
Sonymen qatar, Erlan Qoshanov forýmǵa qatysýshylardyń partııada áıelder qanatyn qurý týraly usynysyn qoldap, Ortalyq apparattyń basshylyq quramyn áıel adammen tolyqtyrýdy tapsyrdy.
«AMANAT» músheleriniń 60%-dan astamy – áıelder. Saılaýdaǵy partııalyq tizimniń úshten birin de bizdiń arýlarymyz quraıdy. Sondyqtan ınklıýzıvti mádenıet, genderlik saıasat máselesi árqashan partııamyzdyń basty nazarynda», - dedi ol.
Erlan Qoshanov óńirlik áıelder forýmdarynyń qorytyndysy boıynsha kóp usynys túskenin atap ótti. Olardyń barlyǵy «Halyqpen birge!» saılaýaldy baǵdarlamasyna endi.
Májilistegi «AMANAT» partııasynyń frakııasy jeńiske jetken jaǵdaıynda, birinshi kezekte balaǵa merzimsiz múgedektik beriletin aýrýlardyń tizbesin keńeıtý máselesin qaraýdy qolǵa alady.
Jalpy, partııa jaqsy jalaqy men joǵary laýazym adamnyń jynysyna emes, daǵdysyna qaraı beriletin mádenıet qalyptastyrýǵa nıetti. Partııa turmystyq zorlyq-zombylyqqa qatysty jazany qatańdatýdy jaqtaıdy jáne kópbalaly analar men erekshe qajettilikteri bar balalardy tárbıelep otyrǵan otbasylardy qoldaý sharalaryn kúsheıtedi.
Osy kúni shtab músheleri «Astana-Tazalyq» eńbek ujymymen kezdesti. Kásiporyn qalanyń sanıtarlyq tazalyǵymen, aýmaqtardy abattandyrýmen jáne tazalaýmen aınalysady.
Partııalyqtar kásiporyn qyzmetkerlerimen birge saılaýaldy baǵdarlamada kórinis tapqan jumysshylardyń quqyqtary men densaýlyǵyn qorǵaý sharalaryn talqylady.
«AMANAT» jumys berýshilerdiń jaýapkershiligin kúsheıtý, jalaqyny arttyrý jáne tehnıkalyq personal men bıýdjettik uıymdardaǵy bilikti qyzmetshilerdiń tabys aıyrmashylyǵyn qysqartý sııaqty basqa da mańyzdy máselelerdiń sheshilýin nazarda ustaıdy.
Daıyndaǵan: "AMANAT" partııasynyń baspasóz qyzmeti
Tapsyrys berýshi: M.J. Ospanov
“AMANAT” partııasynyń saılaý qory qarajaty esebinen tólendi.
"Adyrna" ulttyq portaly
