Öz astauyndaǧy näpaqany öz bauyrlaryna qimaǧan jarkenttık "jıgıtter" dau bastady. Olar qalaǧa kelgen özge öŋırdıŋ azamattaryna, öz bauyrlaryna, qoqan-loqy körsetıp, taksi qyzmetıne jolamauyn eskerttı. "Jat jūrttyqtar" kölıgıne jolauşy otyrǧyzyp, alda-jalda aqşa taba qalsa, qyzmetınıŋ soŋy qantögıske ūlasuy mümkın ekendıgın eskerttı, dep habarlaidy "Adyrna" ūlttyq portaly.
Taksi qyzmetımen kün körıp, jolauşy tasyp jürgen jıgıtter öz astauynan özgege as tatyrǧysy kelmeidı. Mūny jurnalist Gülmira Äbıqai habarlady:
Jarkettıŋ jıgıtterı jinalyp, äleumettık jelıge video ündeu jariialady. Būl eskertuden görı ses körsetuge köp ūqsaidy. “Erteŋ bızdıŋ taksige jarmassaŋdar qantögıske deiın baruy mümkın” degendı qalai tüsınemız?Sondai-aq, Järkent vokzalynda da dürbeleŋ. Ǧimarat maŋynyŋ bärı jeke käsıpkerler ielıgınde. Temır jol biletterınıŋ qūnyn öz qalauyndaǧy baǧamen aspandatqan deldaldar kesırı jolauşylarǧa tiiude. Osyndai bassyzdyqtardy baqylaityn jergılıktı atqaruşy organ qaida @panfilov_akimdigi barsyzdar ma?Järkent - Jetısu oblysy, Panfilov audanynyŋ ortalyǧy. 50 myŋnan asa tūrǧyny bar köne şahar. Elımızdıŋ oŋtüstık-şyǧysynda Qytaimen şekaralas “Qorǧas” beketı osynda.Jergılıktı kölıgı bardyŋ bärı şekaradan ärlı-berlı ötken saudagerlerdı dıttegen nüktege jetkızetın taksi qyzmetın atqarady. Eşqaisynda resmi qūjat joq. Järkentte basqa jūmys ta joq, - dep jazdy jurnalist.
Zoraiyp, küşıne mıngen jarkenttık jürgızuşı jıgıtterge qatysty jaittyŋ män-jaiyn anyqtaǧan Panfilov audany äkımdıgı baspasöz hatşysy Nūrbol Qanaǧatūly arnaiy mälımdeme jasap, "keşırım sūraǧan jıgıttıŋ" videosyn jariialady.
"Qazır Qorǧas beketınde adam qarasy köp. Berı de ary da ötıp jatqan jürgınşı qandastar sany artuda. Sol sebeptı Jarkent qalasynyŋ vokzal aumaǧynda taksi qyzmetı jürıp tūr. Tuystaryn özderı kütıp alǧai kelgen syrttaǧy jürgızuşılerge jergılıktı taksister nanymyzǧa ortaqtasty dep narazylyq tanytqan. Tıptı qan tögıledı dep artyq aitqan bolatyn. Bügın audandyq polisiia bölımıne jürgızuşı azamattardy şaqyryp, tüsındırme jūmystary jürgızıldı. Jıgıtter aibyn moiyndap keşırım videosyn jariialady", - dedı baspasöz hatşysy.
Keşırım sūraǧan jıgıttıŋ aitar uäjı mynandai:
- Äleumettık jelıde emosiamyzǧa berılıp, bır beinejazba jazyp edık. Dūrys tüsınıŋızder, eşkımdı bölıp-jaryp, eşkımge jol bermeimız degen oiymyz joq. Bıraq özımızdıŋ oiymyzdy bıldırgımız kelgen. Osy menıŋ sözımdı Jarkettıŋ barlyq jıgıtterı qoldaidy, - dedı aiypty azamat.
Degenmen, äleumettık jelıde oqiǧadan habardar bolǧan qoǧam belsendılerı jıgıtterdıŋ yndynyna [qūlqyna] qarap, kärıne mındı. Qazaqtyŋ qazaqqa şaptyqqanyna yzalanǧannyŋ denı - jıgtıtter. Olar:
"Qantögıs Qoldaimyz!Keşırım Qoldaimyz!Bır auyzdan qoldai beretın sailauşylar siiaqty eken";
"Myqty bolsaŋdar, qazaqtyŋ taksilerıne otyrmaityn ūiǧyrlarǧa adam alalamaudy üiretıŋder. Öz bauyrlaryŋnyŋ jaǧasyna jarmaspai";
"Reseidıŋ taksi jüiesı, bükıl Qazaqstannyŋ transportyn jalmap otyr,oǧan bırdeŋe dei almaidy.Öz qazaǧynan özı qyzǧanyp jürgen nadandar";
"Keşırım sūrap qana ketpesın. Keşırım sūraǧany şu köbeigesın jai ǧana aita salǧany. Oilarynan qaitqan joq olar, taǧy da bılgenın ısteidı. Būlar adam qūqyǧyn būzuşy köşenıŋ bandittary. Jıgıt emes mynalar, tonauşy qylmysker jalmauyzdar. 14 kün qamap, aiyp-pūl salu kerek. Bır jerlerın qysyp jürsın, bolmasa qystyru kerek zaŋ boiynşa. Qai zamanda, qaida ömır sürıp jatyrmyz.Taksiden aqşa tappasa aiaǧy men qoly tartylyp qalǧan joq jūmys ıstesın oŋbaǧandar";
"Qan tögem degendı 14 künmen jabu kerek edı. Sümıreiıp tūrmaǧan türın qaraşy" dep jazyp jatyr.
"Adyrna" ūlttyq portaly
Ūqsas jaŋalyqtar
