Ereje boıynsha, Shengen vızasyn berý týraly sheshimdi EO-ǵa múshe memlekettiń tıisti konsýldyǵy 15 kún ishinde qabyldaıdy. Bul ereje Qazaqstanǵa da qatysty qoldanylatyn bolady.
"Erekshe, jeke jaǵdaılarda, eger ótinishti egjeı-tegjeıli tekserý jáne/nemese qosymsha qujattardy usyný qajet bolsa, bul merzim 45 kúnge deıin uzartylýy múmkin. Bul tájirıbe tek erekshe jaǵdaılarda ǵana ultyna qaramastan barlyq ótinish berýshilerge burynan beri qoldanylyp keledi",- dep habarlady Qazaqstandaǵy EO ókildigi.
Qazaqstan úshin jaqynda engizilgen qosymsha konsýltaııalar ótkizý rásimi jeti kúnge deıin sozylýy múmkin jáne bul konsýltaııalar standartty 15 kúndik rásim aıasynda júrgiziledi. Sondyqtan ótinish berýshilerdiń vıza alý ýaqyty aıtarlyqtaı uzarmaıdy.
"Qosymsha konsýltaııalar – birqatar elderge qoldanylatyn jáne Vıza kodeksimen retteletin standartty rásim. Shengen aımaǵyna múshe memleketter bir-birimen keńesý úshin júıeli túrde paıdalanyp otyratyn Shengen aqparattyq júıesinde (SIS) «qara tizimder» joq",- delingen habarlamada.
"Adyrna" ulttyq portaly
