Ereje boiynşa, Şengen vizasyn beru turaly şeşımdı EO-ǧa müşe memlekettıŋ tiıstı konsuldyǧy 15 kün ışınde qabyldaidy. Būl ereje Qazaqstanǧa da qatysty qoldanylatyn bolady.
"Erekşe, jeke jaǧdailarda, eger ötınıştı egjei-tegjeilı tekseru jäne/nemese qosymşa qūjattardy ūsynu qajet bolsa, būl merzım 45 künge deiın ūzartyluy mümkın. Būl täjıribe tek erekşe jaǧdailarda ǧana ūltyna qaramastan barlyq ötınış beruşılerge būrynan berı qoldanylyp keledı",- dep habarlady Qazaqstandaǧy EO ökıldıgı.Qazaqstan üşın jaqynda engızılgen qosymşa konsultasiialar ötkızu räsımı jetı künge deiın sozyluy mümkın jäne būl konsultasiialar standartty 15 kündık räsım aiasynda jürgızıledı. Sondyqtan ötınış beruşılerdıŋ viza alu uaqyty aitarlyqtai ūzarmaidy.
"Qosymşa konsultasiialar – bırqatar elderge qoldanylatyn jäne Viza kodeksımen retteletın standartty räsım. Şengen aimaǧyna müşe memleketter bır-bırımen keŋesu üşın jüielı türde paidalanyp otyratyn Şengen aqparattyq jüiesınde (SIS) «qara tızımder» joq",- delıngen habarlamada.
"Adyrna" ūlttyq portaly
