Kerbūlaq jäne Alaköl audandaryndaǧy su tasqyny jaǧdaiy tūraqtaldy. Būl turaly Jetısu oblysy Tötenşe jaǧdailar departamentı basşysynyŋ orynbasary İgor Jukov Öŋırlık kommunikasiialar alaŋynda mälımdedı.
5 nauryzdaǧy jaǧdai boiynşa Kerbūlaq audany, Qyzyljar audanynda 4 aulany su basqan. Oqiǧa ornyna 19 qyzmetker men 6 tehnika jūmyldyryldy. Qazırgı uaqytta aryq jüiesın tereŋdetu jäne tazalau jūmystary jürgızılıp jatyr.
"Jetısu oblysy TJD-ne Kerbūlaq audany Saryözek-Köktal avtojolynyŋ boiynda 9 km jerde ornalasqan sement öndıru boiynşa "Alacem" zauytynyŋ aumaǧyn su basu turaly aqparat tüsken joq. Alaida, äleumettık jelılerdı monitoringteu barysynda egıstıkterden mol qar erunätijesınde zauyt aumaǧynyŋ eŋıs aǧynymen su basqany turaly video tüsırılıp, äleumettık jelılerge jariialanǧany anyqtaldy. Qyzmetkerlerdıŋ jūmyldyryluymen erıgen qar suyn būru boiynşam şaralar qabyldandy. Zardap şekkender joq. Sondai-aq, zauytqa da zalal kelgen joq", - dedı İgor Jukov.
Aita keterlıgı qūrbandar men zardap şekkender joq.
Alaköl audanynyŋ Qabanbai jäne Jaipaq auyldarynda da aula aumaǧyn su basu saldarynyŋ aldy alyndy. Jergılıktı jerlerde jeke qūramnyŋ 10 qyzmetkerı men 3 tehnika jūmyldyryldy. Qūrbandar men zardap şekkender joq.
Al, Eskeldı audanynda qardyŋ qarqyndy eruı men aryq jüiesınıŋ tazalanbauy saldarynan Jalǧyzaǧaş auylynyŋ maŋyndaǧy jol bölıgı su astynda qaldy. Qūtqaruşylar şūǧyl türde oqiǧa ornyna baryp, kanaldardy tereŋdetu jäne tazalau jūmystaryn jürgızdı. Aita keterlıgı erıgen su Biǧaş özenıne tranzittık rejimde ötedı.
«Qazgidromet» RMK dauyldy eskertuıne säikes, jaŋbyr türındegı jauyn-şaşyn boljamyna, sondai-aq, 2023 jylǧy 6-8 nauryz aralyǧyndaǧy kezeŋde temperaturalyq fonnyŋ joǧarylauyna bailanysty qardyŋ qarqyndy eruı kütılude. Jetısu öŋırınde erıgen jäne eŋıs aǧynynyŋ qalyptasuy, mūz qūbylystarynyŋ älsıreuı jäne özenderdegı su deŋgeiınıŋ köterıluı, būl rette sudyŋ tögıluı men su basuy mümkın», - dedı spiker.
Jalpy, Jetısu öŋırındegı su tasqyny jaǧdaiy baqylauda. Su tasqynynyŋ aldyn alu üşın TJD qyzmetkerlerı azamattardy kanal jüielerın tazartuǧa jäne aula aumaqtaryn tazalauǧa kömektesuge şaqyrady.
