Taldyqorǧanda avtoklavty qataitatyn gazbetondy bloktar öndırısı qolǧa alynady, sol siiaqty önerkäsıp akkumuliatorlaryn şyǧaratyn jaŋa zauyt ıske qosylady. Būl jobalar jeke investisiialar esebınen jüzege asyrylady. Qala käsıporyndaryn aralauy kezınde oblys äkımı Beibıt İsabaev osy jäne basqa da nysandardyŋ qūrylysy men ıske qosu-jöndeu jūmystarynyŋ barysymen tanysty.
Aralau barysynda aldymen «Qainar-AKB» JŞS önerkäsıptık akkumuliatorlar şyǧaratyn jaŋa zauytta boldy. Qazırgı kezde käsıporynda jabdyqtardy montajdau jürgızılude, mūnan keiın ıske qosu jūmystary bastalady. Käsıporyndy biylǧy II toqsanynyŋ ortasynda ıske qosu josparlansa, al tolyq quatyna kelesı jyly şyǧady dep mejelenıp otyr.
Käsıporynnyŋ bas direktory Erbol Äjmaǧambetovtyŋ aituynşa, bırınşı kezeŋ ıske qosylǧannan keiın zauyttyŋ quattylyǧy jylyna 100 myŋ önerkäsıptık akkumuliator şyǧaruǧa jetedı. Qazır 150 tūraqty jūmys orny qūrylǧan, keleşekte jūmys oryndarynyŋ sanyn 300-ge deiın ūlǧaitpaq. Bügıngı künı 10 mlrd. teŋge investisiia tartyldy jäne käsıpker mūnymen şektelıp qalmaitynyn aitady. Käsıporyn eksportqa baǧdarlanǧan. Sondyqtan önımder tek otandyq naryqqa ǧana emes, Özbekstan, Türıkmenstan, Qyrǧyz, Äzırbaijan, Reseige de jetkızılmekşı. Tolyq quatyna şyqqan kezde zauytta jylyna 200 myŋnan astam önerkäsıp akkumuliatory öndırıledı.
Jaqyn arada oblys ortalyǧynda taǧy bır jaŋa zauyt jūmysyn bastaidy. Būl - «Taldyqorǧan» industriialyq aimaǧynyŋ aumaǧynda avtoklavty qataitatyn gazbeton bloktaryn şyǧaratyn käsıporyn. Öndırıstık quaty – jylyna 150 myŋ m3. Mamyrdyŋ aiaǧy men mausymnyŋ basynda ıske qosylady dep josparlanǧan.
- Qarausyz qalǧan ǧimaratty öz jeke qarajatymyzǧa satyp alyp, tiıstı rekonstruksiia jürgızdık, qazır qajettı jabdyqtar ornatyluda. Öŋırde kırpıştıŋ osy türlerın öndıretın käsıporyn joq. Bız jergılıktı şikızatty qoldanamyz. Negızınen daiyn önımdı oblys aumaǧynda satamyz dep josparlap otyrmyz. Zauyt ǧimaratynan basqa keŋsemız, qyzmetkerlerge arnalǧan ashanasy bar jataqhanamyz bar. Qazır 30 adam jūmys ısteidı. Zauyt ıske qosylǧannan keiın jūmys oryndarynyŋ sany 70-ke deiın ūlǧaitamyz. Jalaqyǧa kelsek, käsıporynda jūmysşylar aiyna 300-350 myŋ teŋge, al bas energetik 1 mln.teŋgege deiın jalaqy alady. Jalpy,būl jobaǧa öz qarajatymyzdan şamamen 3 mlrd. teŋge investisiia saldyq. Bolaşaqta memleket tarapynan qoldau bolsa, qūrylysqa qajettı qūrǧaq qospalar men emulsiia şyǧaratyn zauyt aşu jospary bar. Önım türlerı naryq talaptaryna bailanysty bolady, - dedı öndırıstı damytudyŋ josparlarymen tanystyrǧan «Stalbeton» JŞS kommersiialyq direktory Dinara Orynbasar.
Oblys äkımı atap ötkendei, memleket tarapynan tiıstı kömek retınde zauyt ǧimaratyna deiın injenerlık infraqūrylymdy jürgızu mäselesınde qoldau körsetıletın bolady. Sondai-aq käsıpkerlıktı qoldau baǧdarlamalarynyŋ bırın, sonyŋ ışınde jeŋıldetılgen nesieleudı paidalanu mümkındıgı bar.
Beibıt İsabaev käsıporyndardy aralau barysynda elektr quaty 84 MVt jäne jylu quaty 59 Gkal/saǧ bolatyn «Basquat» qazandyǧy bazasynda bu-gaz stansiiasyn salu jobasynyŋ ıske asyryluymen tanysty. Būl strategiialyq maŋyzdy joba Taldyqorǧan qalasy tūraqty ösıp kele jatqandyqtan, qaladaǧy jylu men elektr energiialaryn tolyqtyruǧa baǧyttalǧan. Mysaly, biyldyŋ özınde qalada köpqabatty 27 üi salynady.
«Basquat Energoprom» JŞS bas direktory Arman Otarbaevtyŋ aituynşa, joba bırneşe kezeŋde jüzege asyrylady. Bırınşı kezeŋ 35 MVt elektr quatyna jäne 26 Gkal/saǧ jylu quatyna eseptelgen. Būl rette II kezeŋdı 2027 jyldyŋ qaŋtar aiynyŋ basynda aiaqtau josparlanyp otyr. Sondai-aq gazben jabdyqtauǧa jäne «Basquat» qazandyǧynyŋ jylu jelılerıne qosyluǧa tehnikalyq şarttar berıldı. Jylu trassasyn töseu jūmystary bır aidan keiın bastalyp, qaraşa aiynyŋ basynda aiaqtalady.
– Bızdıŋ basty mındetımız - jylu men elektr energiiasyn tolyqtyra otyryp, «Basquat» qazandyǧynyŋ jüktemesın azaitu. Söitıp oblys ortalyǧyndaǧy jylumen jabdyqtau jüiesınıŋ berıktıgın qamtamasyz etemız. Joba bızdıŋ kompaniianyŋ jeke investisiiasy esebınen jürgızılıp jatyr, - dedı A.Otarbaev.
Aita keteiık, bügıngı taŋda jobanyŋ I kezeŋı aiasynda josparlanǧan jūmystardyŋ 65% oryndalǧan.
Jalpy Jetısu oblysynda 565 önerkäsıp orny jūmys ısteidı, onyŋ 14-ı ırı, 11-ı orta käsıporyn. Önerkäsıp öndırısınıŋ kölemı 2025 jylǧy qaŋtar-aqpan ailarynda 54,5 mlrd. teŋgenı qūrady, NKİ – 120,9%. Būl rette öŋır önerkäsıbı kölemındegı öŋdeu käsıporyndarynyŋ ülesı 68,2% qūraidy, onyŋ ışınde tamaq, susyndar öndırısı, maşina jasau jäne jeŋıl önerkäsıp bar.
Ūqsas jaŋalyqtar
