Jetısu oblysynda üş jasar bala bırneşe künnen berı tabylmai jatyr

1299
Adyrna.kz Telegram
https://adyrna.kz/content/uploads/2024/09/img_7613.jpeg
Jetısu oblysynda üş jasar bala tört künnen berı ızdestırılude, - dep habarlaidy “Adyrna” ūlttyq portaly Almaty.tv saityna sılteme jasap. Kışkentai Aldiiar 7 qyrküiek künı Köksu auylynda öz üiınıŋ aulasynda oinap jürıp joǧalyp ketken. Anasynyŋ aituynşa, ol bırneşe minutqa ǧana qasynan ketıp qalǧan, qaityp kelgende bala oinap jürgen jerınde joq. Säbidı ızdeuge polisiia qyzmetkerlerı, Tötenşe jaǧdailar ministrlıgı men jergılıktı tūrǧyndar jūmyldyryldy. Sonymen qatar, ızdeu jūmystaryna qatysu üşın oblystyŋ barlyq audandarynan erıktıler qosyluda. Joǧalǧan künı Aldiiar aq jempır men qara şalbar kigen. Balanyŋ boiy 60-65 santimetr. Şaşy aşyq qoŋyr. Balanyŋ densaulyǧynda kınärat bar. «Izdestıru jūmystaryna 400-ge juyq adam qatysuda, polisiia bölımınen 80 adam, Ūlttyq ūlannyŋ äskeri bölımınen 100 adam, Tötenşe jaǧdailar departamentınen 15 adam jäne jergılıktı atqaruşy organdardan 15 adam, erıktıler kelıp jatyr», - dedı PD Jergılıktı polisiia qyzmetınıŋ basşysy Qaisar Mūhmetov. Üş jasar Aldiiardyŋ qaida ekenı turaly aqparat bılgender bolsa, 102 nemese 8 747 271 2124 nömırıne habarlassaŋyzdar bolady.
Pıkırler