Otbasy bankınde («Bäiterek» holdingınıŋ enşıles ūiymy) depozit aşyp, baspanaǧa qarajat jinaqtau bastamasy köp jaǧdaida äielderge tiesılı.
Tūrǧyn üi qūrylys jinaq jüiesıne 2,2 trln teŋgeden astam qarjy tartylǧan bolsa, būl somanyŋ tura jartysyn qazaqstandyq äielder jinaǧan. Qazırgı uaqytta Otbasy bankınde 1,5 mln juyq depozittı, iaki belsendı jinaq şottarynyŋ jalpy sanynyŋ 68% äielder aşqan.
Otbasy bankınde qazaqstandyq qyz-kelınşektermen jinaqtalǧan depozitterdıŋ arasyndaǧy eŋ joǧarǧy soma 53 mln teŋge.
– Orta eseppen alǧanda, qazaqstandyq äielder nesie alǧanǧa deiın Otbasy bankınde aqşasyn depozitke orta eseppen 6-10 jyl jinaidy. Denı – Almaty, Astana jäne Şymkent qalalarynyŋ azamatşalary. Sonymen qatar, bank klientterınıŋ balalarynyŋ bolaşaǧyn oilaityny da quantady. Öitkenı, qazır bankte 230 myŋǧa juyq balalar depozitı aşylǧan. Analardyŋ mūndai köregendıgı bolaşaqta jaqsy qyzmet etetınıne senımdımın. Rasynda da, kämeletke tolǧanǧa deiın balalary öz şarşy metrlerınıŋ iesı atana alady, – deidı «Otbasy bank» AQ Basqarma töraiymy Läzzat İbragimova.Bankten nesie aluşylar arasynda äielder sany basym (54,7%). Al päter nemese üi satyp alu üşın nesie alatyn būrymdylardyŋ negızgı jasy 36-45 jas aralyǧynda. Ädette, nesie merzımı 10 jyl. Otbasy bankınde äielderge berıletın nesienıŋ ortaşa somasy 11 mln teŋgege teŋ. Būl rette Otbasy bank Aziia damu bankımen bırlesıp jüzege asyryp jatqan «Ūmai» äielder baǧdarlamasynyŋ rölı zor boldy. Jobany qarjylandyru kölemı 38 mlrd teŋgege teŋ. Alǧaşqy ekı tranş aiasynda 2300-den astam qazaqstandyq äielder jalpy somasy 22,4 mlrd teŋgenı qūraityn qoljetımdı nesie alyp, qonys toiyn toilauǧa mümkındık aldy. Biyl bank qazaqstandyq äielderdı odan ärı nesieleu üşın kelesı tranştyŋ bölınuın kütude. Genderlık tepe-teŋdık bank klientterı arasynda ǧana emes, sonymen qatar qyzmetkerler arasynda da saqtalady. Otbasy bankınde qyzmetkerlerdıŋ 61 paiyzy äielder. Olar Direktorlar keŋesı men Basqarmanyŋ müşelerı bolyp tabylady jäne joǧary lauazymdardy atqarady. IT blogynda qūrastyruşylar men taldauşylardyŋ törtten bırı – näzık jandylar. *** ««Otbasy bank» tūrǧyn üi qūrylys jinaq banki» AQ — elımızdegı tūrǧyn üi qūrylys jinaq jüiesın jüzege asyratyn bırden-bır bank. Ūiym Europalyq qūrylys jinaq kassalary federasiiasyna (EQJKF) jäne Halyqaralyq tūrǧyn üidı qarjylandyru odaǧyna kıredı. Bankınıŋ jalǧyz aksionerı – «Bäiterek» Ūlttyq basqaruşy holdingı» AQ.
"Adyrna" ūlttyq portaly
Ūqsas jaŋalyqtar
