«Jańa adamdar» jastar qozǵalysynyń belsendileri QazUÓÝ rektory Aıman Musahodjaevany 65 jasqa tolǵan mereıtoıymen ýnıversıtettiń kireberisine ilingen úlken bannermen quttyqtady. Bannerge «Aıman Qojabekqyzy sizge ashyq aspan, sol aspanna shelekterge sý aqpaýyn tileımiz» degen jazý ilindi. Bul týraly «Jańa adamdar» jastar qozǵalysy áleýmettik jelige jarııalady, dep habarlaıdy “Adyrna” ulttyq portaly.
Osylaısha, belsendiler ýnıversıtet rektorynyń nazaryn tóbesinen sý aǵyp jatqan máselege aýdardy. Olardyń aıtýynsha, kóktemniń jylynýy nemese jańbyr «Shabyt» ǵımaratyn dýrshlagqa aınaldyryp jatqan birinshi jyl emes. Osyndaı sátterde ákimshilik bilim oshaǵynda sý jınaý úshin plastık shelekterdi qoıýdy ádetke aınaldyrǵan.
Shelekteri bar vıdeolar BAQ pen áleýmettik jelilerde birneshe ret paıda boldy. Degenmen, másele áli sheshilgen joq.
Aıta keteıik, naýryzdyń 9-y kúni «Jańa adamdar» belsendileri kóshede fleshmob ótkizip, «Shelek shabytty qurtady» («Shabytty shelek óltiredi») dep urandady. Bul BAQ ókilderiniń, stýdentter men keıbir muǵalimderdiń nazaryn aýdaryp, áleýmettik jelide repost jasap, fleshmobty qoldady. Alaıda ýnıversıtet basshylyǵy tarapynan eshqandaı reakııa bolmaǵan.
