Taldyqorǧan qalasyndaǧy Nazarbaev Ziiatkerlık mektebınıŋ oquşylary «Danalyq beisenbı» käsıptık baǧdar beru jobasy aiasynda Qazaqstan Respublikasy Memlekettık qyzmet ısterı agenttıgınıŋ Jetısu oblysy boiynşa departament qyzmetkerlerımen kezdestı.
Şara spikerlerı Memlekettık qyzmet departamentınıŋ bölım basşysy Samǧat Taraqov pen baqylau bölımınıŋ bas mamany Aziz Nasimbaev boldy.
Jastardy memlekettık qyzmetke tartu maqsatyndaǧy būl kezdesude memlekettık qyzmetke tüsu joldary, Jas memlekettık qyzmetşı mektebı, sondai-aq memlekettık qyzmet salasyndaǧy josparlanǧan jaŋalyqtar turaly aqparat berıldı.
Sonymen qatar, tyŋdaşylarǧa memlekettık grantpen oqu oryndaryn aiaqtaǧan ülgerımı joǧary tülekter audan jäne auyldyq deŋgeidegı tömengı lauazymdarǧa konkurstyq ırıkteusız, tıkelei taǧaiyndalu mümkındıkterı jönınde tüsındırıldı.
Departament ökılderı memlekettık qyzmetşı bolu ülken jauapkerşılık jäne osy rette memlekettık qyzmetke öz ısın süietın, halyq müddesın jeke basynyŋ müddesınen joǧary qoiatyn azamattar baruy kerek ekendıgın tılge tiek ettı.
Ūqsas jaŋalyqtar
