Taldyqorǵan qalasyndaǵy Nazarbaev Zııatkerlik mektebiniń oqýshylary «Danalyq beısenbi» kásiptik baǵdar berý jobasy aıasynda Qazaqstan Respýblıkasy Memlekettik qyzmet isteri agenttiginiń Jetisý oblysy boıynsha departament qyzmetkerlerimen kezdesti.
Shara spıkerleri Memlekettik qyzmet departamentiniń bólim basshysy Samǵat Taraqov pen baqylaý bóliminiń bas mamany Azız Nasımbaev boldy.
Jastardy memlekettik qyzmetke tartý maqsatyndaǵy bul kezdesýde memlekettik qyzmetke túsý joldary, Jas memlekettik qyzmetshi mektebi, sondaı-aq memlekettik qyzmet salasyndaǵy josparlanǵan jańalyqtar týraly aqparat berildi.
Sonymen qatar, tyńdashylarǵa memlekettik grantpen oqý oryndaryn aıaqtaǵan úlgerimi joǵary túlekter aýdan jáne aýyldyq deńgeıdegi tómengi laýazymdarǵa konkýrstyq irikteýsiz, tikeleı taǵaıyndalý múmkindikteri jóninde túsindirildi.
Departament ókilderi memlekettik qyzmetshi bolý úlken jaýapkershilik jáne osy rette memlekettik qyzmetke óz isin súıetin, halyq múddesin jeke basynyń múddesinen joǵary qoıatyn azamattar barýy kerek ekendigin tilge tıek etti.
