"İt talaǧan". Jetısu oblysynda köşeden er adam ölı küiınde tabyldy

5934
Adyrna.kz Telegram
https://adyrna.kz/content/uploads/2023/04/faed54d375a04cc19814071ff0f77118.jpeg
15 säuır künı, taŋerteŋ, Jetısu oblysy, Jarkent qalasy köşelerınıŋ bırınde 54 jastaǧy jergılıktı tūrǧyn ölı küiınde tabyldy. Qazırgı uaqytta oblys poliseilerı oqiǧanyŋ jai-japsaryn tekserıp jatyr. Jaqyn maŋda jatqan auzy qan-josa ittıŋ marqūmdy talap öltıruı mümkın degen küdık bar, dep habarlaidy "Adyrna" ūlttyq portaly. 
Jetısu oblysynyŋ polisiia qyzmetkerlerı qaitys bolǧan er adamnyŋ ajaly küşıktegen qarǧybausyz itten bolyp-bolmaǧanyn tekserıp jatyr. Oqiǧa Jarkent qalasynda boldy. Er adamnyŋ bas etınde jyrym-jyrymy şyqqan jaralar bar, Terısı sydyrylǧan.
"Jaqyn maŋdaǧy jer üide küşıktegen pitbul tūqymdy it anyqtalyp, onyŋ denesınde qan tärızdı qoŋyr daqtar tabyldy. İttı uaqytşa ūiyqtatyp tastauǧa tura keldı. Er adamnyŋ ajaly şynymen de ittıŋ talauynan bolǧan-bolmaǧany qazırgı uaqytta anyqtalyp jatyr", - dedı Jetısu oblysy PD baspasöz qyzmetı.
Däl qazır oqiǧa ornynda Panfilov audandyq polisiiasynyŋ jedel-tergeu toby jūmys ıstep, män-jaidy zerttep jatyr. Anyq aqparat aluǧa qajettı saraptamalar taǧaiyndaldy.
Esterıŋızge sala keteiık, "Adyrna" ūlttyq portaly Maŋǧystau aimaǧynda da būralqy, qaŋǧybas itterdıŋ köbeiıp ketkenın, olardy atyp jatqandardy toqtatudy ötıngen oblys Janaözen tūrǧynynyŋ videosyn jariialaǧan edı.

"Adyrna" ūlttyq portaly 

Pıkırler