Taldyqorǵan qalalyq bilim bóliminiń bas esepshisi iri kólemdegi aqshamen ustaldy. Oblystyq sybaılas jemqorlyqqa qarsy qyzmet bul derekti rastady, dep habarlaıdy “Adyrna” tilshisi.
48 jastaǵy áıel qomaqty qarjyny alyp qashpaq bolǵan.
Tintý kezinde onyń úıinen 1 mıllıard teńgege jýyq aqsha tabyldy, onyń basym bóligi shetel valıýtasymen saqtalǵan. Sonymen qatar, odan qujattar men jyljymaıtyn múliktiń kiltteri tárkilendi. Onyń ishinde 14 páter, jeti kommerııalyq úı, 2020 jylǵy Toyota Land Cruiser jol talǵamaıtyn kóligi jáne zergerlik buıymdar bar.
Jedel-izdestirý is-sharalary barysynda Taldyqorǵandaǵy bilim bólimi qyzmetkerleriniń memlekettik bıýdjet qarajatyn urlaýy birneshe jyl boıy turaqty jalǵasqany anyqtaldy. Memleket qarjysy osy salada jumys istemeıtin azamattarǵa ázirlengen shema boıynsha aýdarylyp otyrǵan.
Qylmyskerler ustalyp, ýaqytsha ustaý ızolıatoryna qamaldy. Tergeý jalǵasýda.
