Qazaqstannyŋ MMA boksşysy Quat Hamitov qazaq baluandarynyŋ jetıstıgın atap ötıp, olarǧa futbolşylardyŋ jalaqysyn beru keregın aitty. Būl turaly ol jelıdegı paraqşasyna video jariialaǧan. Onyŋ pıkırımen kelısetınder de bar, qarsylar da kezdesedı.
“Bızdıŋ baluandar Aziiada bırınşı orynǧa şyqty. Men barlyǧyna ötınış aitamyn: Aziia chempionatynyŋ jüldegerlerıne futbolşylardyŋ jalaqysy berıluı kerek dep esepteimın. Sport degen – nätije. Sportta nätije üşın töleidı. Olarǧa futbolşylardyŋ ai saiynǧy alatyn 20, 25-30 myŋ dollardy Aziiada chempion bolǧan, kümıs, qola jüldegerı bolǧandarǧa beru kerek. Öitkenı, bızdıŋ futbolşylar eşqaşan Aziia chempiony bola almaidy. Olar tıptı körşılerımızdı de jeŋe almaidy», - dedı Hamitov.
Eske sala keteiık, 9-14 säuır aralyǧynda ötken Aziia chempionatynyŋ medaldyq esepte qazaq baluandary bırınşı oryn alǧan bolatyn. Qazaqstandyq sportşylar barlyǧy jetı altyn, tört kümıs jäne toǧyz qola medal jeŋıp aldy.
«AQYLǦA SYIMAIDY»
Sportşynyŋ būl sözıne qalai qaraitynyn bılu üşın sport jurnalisı Esei Jeŋısūlyna sūraq qoiudyŋ sätı tüstı. Aituynşa, bır sporttyŋ aqşasyn özge sport türıne bölıp bergenşe, barlyq sportty būqaralyq türge ainaldyrǧan jön.
«Quattyŋ sözınde janaşyrlyq bar. Bızdıŋ sportşylar Aziiany jeŋıp, Olimpiadan da, medaldan da ümttı boluy mümkın degen oi jatyr. Alaida, futbol – būqaralyq sport türı. Kez-kelgen jerde, mektepte, auylda balalardyŋ oinaityny, osy – futbol. Äiteuır bır dop tabylsa boldy jäne oinau üşın kem degende alty bala kerek bolady. Sondyqtan menıŋ oiymşa, bız kersınşe futboldyŋ būqaralyǧyn damyta beruımız kerek. Öitkenı, būl – bükıl älemdegı tendensiia. Bız qalasaq ta, qalamasaq ta futboldyŋ jalaqysy öte joǧary. Qazaqstan oǧan ılespese köşten qalady. Oǧan ılespese futboldyŋ būqaralyq sipaty joǧalady. Talai balanyŋ armany öledı», - dedı sport jurnalistı Esei Jeŋısūly.
Sondai-aq, ol qazırgı balalardyŋ şamamen 70 paiyzy basqa sport türlerıne qaraǧanda, futboldy jaqsy köretının aitty.
«Bızdıŋ futbolymyz naşar eken dep onyŋ aqşasyn bölıp bere salu aqylǧa syimaityn siiaqty. Kerısınşe, futboldyŋ infraqūrylymdaryn jaqsylap damytuymyz kerek. Qazırgı «Oqjetpes», «Kaspii», «Qyzyljar» komandalary osyǧan deiın özderınıŋ qalalarynda oinaǧan joq. Öitkenı, stadiondary daiyn emes. «Kaspii» sonau Aqtaudan kelıp, Almatyda oinap jür, öz alaŋyndaǧy oiyndaryn «Oqjetpes» Astana - Arenada ötkızdı. «Qyzyljar» Pavlodarǧa baryp, bır-ekı oiyn ötkızdı. Aqtöbenıŋ de stadiony daiyn bolmai, qazır sport mektebınıŋ stadionynda oinap jatyr. Demek, bızdıŋ komandalar osyndai synǧa qalmas üşın, özınıŋ infraqūrylymyn öte jaqsy damytu kerek. Ärine, 30 jyldyq futbolda nätijemız bolmady dep Europa chempionatyna şyqpady, älem chempionantyna şyqpady dep san soǧuymyzǧa bolar. Bıraq futboldyŋ būqaralyǧyn ūmytpauymyz kerek. Futbol siiaqty bükıl älemdı auzyna qaratqan sport türı joq. Al jeke sportşylarǧa eşqandai qarsy emespın. Oǧan memleket kömektesıp jatyr mümkındıgınşe. Qazaqstan älemdık sporttyŋ jalpy alǧyşarttaryn qabyldap, kırısıp jatyr. Sondyqtan bıreudıkın bıreuge bölıp beru degennen körı, kez-kelgen sportty būqaralyq damytu kerek degenge bas ūramyn», - dedı Esei Jeŋısūly.
«TOLYQTAI KELISEMIN»
«Alash Pride» jekpe-jek klubynyŋ prezidentı, Mäjılıs deputaty Daniiar Qasqarauov bolsa, Quat Hamitovtyŋ aitqanyna kelısetının bıldırdı. Ol futbolǧa köp şyǧyn jūmsalǧanymen, onyŋ aqtalaryna kümandanatynyn jasyrmady.
«Men Quat Hamitovtyŋ aitqanymen tolyqtai kelısemın. Ol osyny būrynnan aityp keledı. Futbol älemdegı bırınşı sport ekenın bılemız. Alaida, şynymen de köp qarajat ketedı. Sportşylardyŋ köbı sporttan ketkennen keiın, bala-şaǧasyn baǧa almaǧannan keiın, kışkentai jalaqyǧa jattyqtyruşy bolyp ketedı. Jūmyssyz jürgenderı de, dalada qalǧandary da qanşama. Quat ta sportşy bolǧandyqtan, özı barlyǧyn bıledı. Onyŋ uaiymdap aityp jatqany dūrys. Qazaqstanda ekonomika damyp, basqa memleketterden jaqsy, tūraqty bolǧannyŋ özınde de, auyldan kelgen talantty jastarǧa köŋıl bölıne bermeidı. Sondyqtan Quattyŋ aitqandary oryndy», - deidı Daniiar Qasqarauov.
