Ýkraına aımaǵyndaǵy jer-cý ataýlaryn Reseımen baılanystyryp ataýǵa sheshteý qoıyldy. Ýkraına aımaqtarynyń kóne ataýlary qaıtarylyp, elde dekolonızaııa, ıaǵnı "otarshyldyq saldarynan" aıyqtyrý úrdisi júredi, dep habarlaıdy "Adyrna" ulttyq portaly.
El prezıdenti Vladımır Zelenskıı toponımıkany "otarsyzdandyrý" zańyna qol qoıdy. Zań geografııalyq aımaqtardy Reseımen baılanystyra órbirýge, ushtastyrýǵa, baılanystyrýǵa shekteý qoıady. Bul jaıly "Verhovnaıa Rada"-nyń saıtynda jarııalandy.
Zańnamada Reseı tarıhyn, tulǵalaryn jáne mańyzdy oqıǵa ataýlaryn Ýkraınanyń geografııalyq nysandaryna telýdiń zańǵa qaıshy ekeni aıtylady. Sonymen qatar, eldegi Reseıdiń mańyzdy nysandarynyń, eskertkishteri men tarıhı-mádenı ortalyqtarynyń ataýlary da "zańsyzdyq" sanalmaq.
Zańnamada:
- Ýkraına jerindegi qalalardyń, aýyl, kóshe, ózen-kól, taý-toǵaıdyń oryssha ataýlary - el ishine iritki salýdyń naq kórinisi. Reseıdiń kúlimsi ımperııalyq saıasaty ári qylmys, ári toqtatylýy tıis bassyzdyq, - degen joldar bar.
Sonymen qatar, saýda-cattyq mekemeleri de taýardaǵy Reseı nyshandary men markalaryn óshirýi, aınalymnan múlde alyp tastaýy tıis.
Ýkraına depýtaty Vladımır Mıhaılovıch Vıatrovıchtiń habarlaýynsha, qujat resmı baıandalǵannan keıingi úsh aı ishinde zańdyq kúshine enedi.
"Adyrna" ulttyq portaly
