«ArselorMittalTemırtau» zaŋgerınıŋ ölımıne qatysty küdıktıler ūstaldy

Jürgızılgen jedel-tergeu ıs-şaralarynyŋ nätijesınde Şahtinsk qalasynyŋ 52 jäne 44 jastaǧy tūrǧyndary anyqtaldy. Būl turaly “Adyrna” ūlttyq portaly habarlaidy. Qylmystyq oqiǧa jäbırlenuşınıŋ käsıbi qyzmetımen bailanysty emes. Aiǧaqzattar tärkılendı. Qazırgı uaqytta tiıstı saraptamalar taǧaiyndalǧan. Būdan aldyn Şahtinsk qalasyndaǧy köpqabatty üilerdıŋ bırınde bolǧan örttı söndıru kezınde TJD qyzmetkerlerı 54 jastaǧy äieldıŋ denesın tapqan bolatyn. Ol «ArselorMittal Temırtau» kompaniiasynyŋ zaŋgerı bolyp şyqty. Äieldıŋ denesınde pyşaq jaraqaty bolǧan. Qaiǧyly oqiǧa 23 säuırde şamamen tüskı uaqytta bolǧan. Bes qabatty tūrǧyn üidıŋ 5-qabatyndaǧy päterde jalpy audany 6 şarşy metr aumaqta jihaz ben üi zattary örtengen.  Polisiia «kısı öltıru» baby boiynşa ıs qozǧaǧan.