Aıtysker aqyn Aısholpan Tileýtaı áýejaıda Flyarystan áýe kompanııasy qyzmetkerleri dombyrany ushaqqa kirgizbeı, ózin julqylaǵanyn aıtyp, kóz jasyna erik berdi. Bul týraly ol Instagram paraqshasynda aıtty, dep habarlaıdy “Adyrna” ulttyq portaly.
“Flyarystan kompanııasynyń qyzmetkerleri “dombyrany ushaqqa kirgizbeısiń” dep eldiń kózinshe meni, sosyn dombyramdy julqylady. Meni julqylaǵan eki qyz maǵan áli kelmegen soń, kúzetti shaqyrdy. Ol qyzdardyń jaǵama jabysqanyna qaramaı dombyramdy Astanaǵa ózimmen birge ushaqpen alyp keldim!
Maǵan “bul kompanııa kimdiki ekenin bilesiń be?” dedi. Maǵan kimdiki bolsa da báribir. Halyqqa qyzmet etý kerek.
Ábden esirip,eldiń quqyǵyn taptap aqshasyn jep jatqan osy kompanııaǵa toqtaý salatyn bireý bar ma?!”, - dedi aqyn.
