Kınogerler 12 mamyr kúni Almaty jáne Astana qalalarynda mıtıngke shyǵýǵa bel býyp otyr. Bul týraly Májilis depýtaty Qazybek Isa Facebook paraqshasynda aıtty, dep habarlaıdy “Adyrna” ulttyq portaly.
“2023 jyly naýryzda «Ulttyq Kınony Qoldaý Memlekettik Ortalyǵy» ótkizgen kınojobalardy irikteý konkýrsy kóptegen zańbuzýshylyqtarmen ótkendigi belgili. Bul týrasynda BAQ-da jıi jazylyp, áleýmettik jelilerde de jurtshylyq qyzý talqylap, kóptegen syn pikirler bildirýde. Bul máseleni tipti, Parlament minberinen «Aq jol» frakııasy músheleri: Qazybek Isa, Azat Perýashev, Danııa Espaeva, Erlan Barlybaev, Erjan Beısenbaev, Asqar Sadyqov, «Amanat» frakııasy múshesi Maqsat Tolyqbaı, «QHP» frakııasy múshesi Irına Smırnova jáne Marhabat Jaıymbetov syndy Májilis depýtattary da kóterdi”,- dep jazdy depýtat.
Májilis depýtaty Qazybek Isanyń «Ulttyq kınonyń taǵdyryn kimderge tapsyryp otyrmyz?!» atty depýtattyq saýaly qoǵamdaǵy úlken talqylaýǵa ulasty.
Alaıda, Mádenıet jáne Sport Mınıstirligi men «UKQMO» basshylyǵy atalǵan máseleni sheshýge múlde qulyqsyzdyq tanytyp otyr.
”Kınogerler qaýymy «Táýelsiz komıssııa qurý arqyly konkýrstaǵy zańbuzýshylyqtardy tekserý» týraly jalǵyz-aq talap qoıyp, ony hat túrinde QR Prezıdenti Q.K. Toqaevqa, QR Premer-mınıstrine, Prezıdent Ákimshiligine, Mádenıet jáne Sport Mınıstrligine jiberip, arnaıy beıneúndeý de joldady. Biraq osy ýaqqa deıin «Estıtin Úkimet» Kınogerler talabyn nazardan tys qaldyrýmen keledi. Osyǵan baılanysty 27.04.2023 kúni Kınogerler qaýymy «Almaty Menedjment Ýnıversıtetinde» bas qosyp, irikteý konkýrsynda oryn alǵan zańbuzýshylyqtardy talqylaı kele, QR Prezıdenti Q.K.Toqaevtyń atyna ashyq hat joldaý jóninde sheshimge keldi.
Atalǵan hat 03.05.2023 kúni «Qazaqstan Kınematografıster Odaǵy» QB basqarma tóraǵasy Ermek Tursynovtyń, «Ulttyq Kınematografııa óneri men ǵylymdarynyń Akademııasy» QB Prezıdenti Rashıd Nuǵmanovtyń jáne «Qazaqstan anımaııalyq stýdııalar qaýymdastyǵy» ZTB Prezıdenti Adaı Ábeldınovtyń atynan Prezıdent Ákimshiligine jiberildi.
Áıtse de, Kınogerlerdiń bul janaıqaıyna «Estıtin Úkimet» áli kúnge deıin nazar aýdarar emes. Bul nemquraılylyqqa amaly taýsylyp, ashynǵan kınogerler 12.05.2023 kúni Almaty jáne Astana qalalarynda mıtıngke shyǵýǵa bel býyp otyr!”,- dep jazdy Qazybek Isa.
