Almatyda kündızgı saǧat 11-den öte bere Respublika alaŋy aumaǧynda internet öştı. Alaŋdy baqylaǧan poliseiler qarasy köbeidı, dep habarlaidy “Adyrna” ūlttyq portaly Azattyq radiosyna sılteme jasap.
Būǧan deiın alaŋ ekı jaǧynan: Jeltoqsan men Nazarbaev köşesı jaǧynan jabylǧan bolsk kündızgı 11-ge qarai jabylǧan aumaq kölemı ūlǧaia tüstı. Azattyq tılşılerınıŋ habarlauynşa, qazır alaŋ ornalasqan Sätbaev köşesı batysynda – Nauryzbai batyr, şyǧysynda - Nazarbaev, joǧary jaqtan – Temiriazev pen tömengı jaqta Abai köşelerı jaǧynan bekıtılgen. Alaŋda şamamen elu şaqty adam jür. Jeltoqsan köşesınen tömen qarai avtozaktar tūr.
Maska taǧyp, bet jüzın jasyrǧan "belgısız" azamattar alaŋda jürgenderdı videoǧa tüsırıp jür.
Mūnda taŋerteŋ qala äkımı Baqytjan Saǧyntaev qatysqan resmi şara ötken.
Būǧan deiın tırkelmegen Demokratiialyq partiia jäne "Qazaqstannyŋ demokratiialyq taŋdauy" qozǧalysy (Nūr-Sūltan soty QDT-ny "estremistık ūiym" dep tanyǧanmen Europarlament "beibıt oppozisiialyq ūiym" dep ataǧan) jaqtastaryn 16 jeltoqsan mitingıge şaqyrǧan. Miting orny retınde Jeltoqsan qūrbandaryn eske alu memorialyn ataǧan.
16 jeltoqsan — Qazaqstan täuelsızdıgı künı. Būl kün Qazaqstannyŋ jaŋa tarihynda taǧy ekı oqiǧamen bailanysty atalady. Osydan 34 jyl būryn däl osy künı Kremldegı bilıktıŋ Gennadii Kolbindı sovettık Qazaqstanǧa basşy etıp taǧaiyndaǧannan keiın qazaq jastary Almatynyŋ ortalyq alaŋyna jinalyp, narazylyq tanytqan. Sovet bilıgı jastardyŋ beibıt mitingısın küş qoldanyp, basyp-janşyǧan. Mitingıden keiın jüzge jauapqa tartyp, sottaǧan, jūmystan şyǧarǧan.
“Adyrna” ūlttyq portaly
Ūqsas jaŋalyqtar
