Almatyda Qazaq Expert Club alǧaşqy legınıŋ qorytyndy networking ıs-şarasy öttı.
Joba — sarapşylardy käsıbi kommunikasiiaǧa, mediamen jūmys ısteuge jäne qoǧamdyq alaŋda sapaly pıkır qalyptastyruǧa üiretuge baǧyttalǧan bılım beru bastamasy. Şara beiresmi ärı jyly atmosferada ötıp, qatysuşylar, mentorlar jäne medianaryq ökılderı bes aptalyq intensiv nätijelerın talqylap, jaŋa sarapşylar qauymdastyǧynyŋ qalyptasqanyn atap öttı.
Qazaq Expert Club türlı sala mamandaryn bırıktırıp, olardy aqparattyq keŋıstıkte senımdı äreket etuge, käsıbi pıkır beruge jäne qoǧamdyq talqylaularda sapaly diskurs ornatuǧa baǧyttalǧan alaŋ retınde qūryldy. Joba ıske qosylǧan sätten-aq medianaryqtyŋ nazaryn audardy: tyŋdauşylar oqu barysynda-aq jaŋalyqtarda körıne bastady, al baǧdarlama aiaqtalǧanǧa deiın olardyŋ qatysuymen 30-dan astam material jaryq kördı.
Baǧdarlamaǧa qatysu üşın 98 ötınım tüsıp, nätijesınde Almaty, Astana, Şymkent, Petropavl jäne Taldyqorǧannan 40 sarapşy ırıkteldı. Lek qūramyna ekonomika, qarjy, halyqaralyq qatynastar, äleumettık saiasat, urbanistika, medisina, energetika, bılım beru, sifrlandyru, ekologiia, sport, logistika jäne kreativ industriia siiaqty köptegen baǧyttyŋ ökılderı endı. Qazaq, orys jäne aǧylşyn tılderın meŋgergen köpsalaly mamandardyŋ qalyptasuy olardyŋ mediakeŋıstıktegı yqpalyn arttyra tüsetını atap ötıldı.
İntensiv bes aptaǧa sozylyp, bes negızgı modulden tūrdy: sarapşy rölı jäne naryqpen jūmys, retteu negızderı jäne ıskerlık prosester, mediamen jūmys jäne köpşılık aldynda söileu, PR men digital daǧdylar, sondai-aq jüielı jobalardy damytu jäne sarapşylyq pozisiia qalyptastyru. Sabaqtar täjıribege baǧyttaldy — qatysuşylar naqty keister şeşıp, sūhbat modeldep, diskussiialardy taldap, jeke sarapşylyq materialdar daiyndady. Jiyrmadan astam praktik maman därıs oqydy: jurnalister, redaktorlar, media-menedjerler, zaŋgerler, memlekettık organdar ökılderı men salalyq sarapşylar.
Qorytyndy şarada jobaǧa qatysqan mamandar baǧdarlamanyŋ naryq üşın maŋyzyn atap öttı. Halyk Bank PR basqarmasynyŋ basşysy Mira Halina mediada ekonomikalyq jäne qarjylyq prosesterdı käsıbi tüsındıre alatyn sarapşylardyŋ az ekenın aityp, Qazaq Expert Club būl olqylyqtyŋ ornyn toltyruǧa yqpal etkenın jetkızdı. SJRA töraǧasynyŋ orynbasary Oljas Töleuov jobanyŋ mamandar äleuetın aşuǧa mümkındık bergenın atap öttı. Al azyq-tülık qauıpsızdıgı jönındegı sarapşy, finalist Laura Auteleeva joba atmosferasynyŋ erekşe ekenın jäne elımızdegı jetekşı sarapşylarmen tanysyp, täjıribe bölısu mümkındıgı ülken qūndylyq bolǧanyn aitty.
Baǧdarlama kezeŋınde jäne ol aiaqtalǧannan keiın joba sarapşylary Zakon.kz, Khabar, 24.kz, Atameken Business, Kapital.kz, Forbes.kz, LSM.kz, «Liter», «Aiqyn», Qaz365, 7kun.kz jäne basqa da jetekşı mediaǧa 30-dan astam pıkır berdı. Materialdar ekonomika, qarjy, ŞOB, urbanistika, ekologiia, äleumettık mäseleler, halyqaralyq prosester jäne sifrlandyru taqyryptaryn qamtydy. Būl — derbes saraptamaǧa degen qoǧamdyq sūranystyŋ artqanyn körsetedı.
Alǧaşqy lek finalisterı retınde Alla Kislova (halyqaralyq qatynastar), Aigerim İliasova (qarjy jäne ekonomika), Laura Auteleeva (azyq-tülık qauıpsızdıgı), Diliara Seitnurova (qūrylys) jäne Rauşan Tasşoinova (qarjy jäne salyq) anyqtaldy.
Ūiymdastyruşylar alǧaşqy legınıŋ nätijelerı sarapşylardy jüielı türde daiyndaudyŋ qajettılıgın däleldegenın atap öttı. Aldaǧy uaqytta baǧdarlama keŋeiıp, baǧyttar sany men praktikalyq formattar artady. Qatysuşylar özara bailanysta bolyp, Qazaq Expert Club käsıbi qauymdastyǧyn damytuǧa daiyn ekenın bıldırdı.
