Soŋǧy kezderı «Auyl» partiiasynyŋ atynan mäjılıs deputaty bolǧan Jiguli Dairabaevtyŋ basynan dau arylar emes. Äuelı ekı ūly ıstı bolyp, sottalsa, coŋǧy künderı Merkı audany tūrǧyndary üi men jerge bailanysty äleumettık jelıde deputatty aiyptady.
Üi mäselesınde sottyŋ şeşımıne yqpal etıp, ajyrasqandardyŋ üiın iesınıŋ kelısımınsız özıne räsımdegenı aitylady. Ekınşı mäselede Keŋes auylynyŋ tūrǧyndary deputatty jerdı zaŋsyz tartyp aldy dep aiyptaidy. Al Jiguli Moldahalyqūlynyŋ özı bolsa, būl daudy özınıŋ būrynǧy «joldastary» ūiymdastyryp otyr dep sezıktenedı.
«BOPSALAP JÜRGEN ŞYǦAR...»
– Merkı audany tūrǧyndary üi men jerge bailanysty özıŋızdı aiyptap otyr. Jerlesterıŋızdıŋ özıŋızdı aiyptaǧanyna ne dep jauap beresız? – Negızı üidıŋ naqty qojaiyny arqyly notariuspen kelısıp zaŋdy türde aldyq. Al endı erlı-zaiyptyŋ arasynda qandai jaǧdai bolǧany keiın şyǧyp jatyr. Oǧan bız jauap bermeimız, ony zaŋ organdary qaraidy. Bızdıŋ eşkımge ökpe-renışımız joq. Mümkın menıŋ deputat bolǧanym nemese lauazymymdy paidalanyp bopsalap jatqan şyǧar... Menıŋ şaşylyp jatqan artyq düniem joq. Sondyqtan būl mäselenı zaŋ organdary şeşedı dep oilaimyn. Merkı audanyndaǧy jer mäselesı boiynşa aitar bolsam, menıŋ jeke özımnıŋ 1 metr de jerım joq. Ol kezde bız jaldamaldy qyzmetker bolyp qyzmet jasadyq. Ol jerde men bärın tiianaqty körsettım... 2000 jyldardyŋ basynda köp jerler igerılmei jatty. Sol kompaniiada bız jūmys ıstedık. Ol azamattarǧa «jerıŋdı ötkız» dep jelkelep nemese qolqalaǧan joqpyz. Olar bızdıŋ kompaniiamen jūmys ısteuge... Öitkenı iesız jatqan jerdı memleket memleket qaitaryp aluǧa tura keledı. Sondyqtan köp azamattar bızdıŋ kompaniiaǧa jerlerın berdı, bız ol jerlerge jügerı, qyzylşa ektık. Al endı sol uaqytta azamattardardyŋ köbı sol jerde jūmys ıstedı. Ol kompaniiada jaŋa tehnika, jaŋa tehnologiia boiynşa 350-500 adamǧa deiın jūmys ıstedı. Negızı menen bölek ol kompaniiada 4-5 adam basşylyq qyzmette boldy. Saiasatqa bailanysty menıŋ keibır jaqşanyŋ ışındegı «joldastarym» köp qoi. Olardy aram oimen aitaqtauy mümkın.«AUYL ŞARUAŞYLYǦYN ENDI DAMYTAMYZ...»
– Sız deputat bolǧaly özıŋızge qatysty dau-damai köbeiıp kettı. Mūny sız nemen bailanystarasyz? – Būǧan 20 jyldan asyp kettı ǧoi. Eger men deputat bolmasam, auyldyŋ ışınde tynatyn mäsele şyǧar dep oilaimyn. Negızı mūny kımnıŋ ūiymdastyryp jatqanyn jaqsy bılemın. Bıraq ol azamattardyŋ deŋgeiıne tüse almaimyn. Sondyqtan är bır qazaq «Bırıŋdı, qazaq, bırıŋ dos, körmeseŋ, ıstıŋ bärı bos» degen ūly Abaidyŋ qaǧidasyn ūstanamyn. Qazaq bırın-bırı jaqsy köruı kerek, qazaq bırın-bırı qūrmetteuı kerek. Bızdıŋ müdde – memlekettık müdde. Sondyqtan men maida-şüidege aralasyp tömenge tüse almaimyn. – Japoniiada kompaniia basşysy qyzy ädepsızdık jasaǧany üşın keşırım sūrady. Ekı ūlyŋyzdyŋ ısıne bailanysty nege keşırım sūramadyŋyz? – Menıŋ jeke özıme qoiatyn kınäŋız bolsa, sony aityŋyz, keşırım sūraimyn. Balalarym özderınıŋ tırlıkterı üşın özderı jauap beredı ǧoi oilaimyn. Sondyqtan ol jönınen maǧan aiyp taqpaŋyz... – Sızdıŋ balaŋyzdyŋ ısı auyl şaruaşylyǧyna arnalǧan subsidiiaǧa bailanysty ǧoi. Al sızdıŋ salaŋyz auyl şaruaşylyǧyna qatysty. Sız balalaryŋyzǧa naşar tärbie berdıŋız be? – Ony endı uaqyt körsetedı. Aldyn-ala säuegeilık jasai almaimyn. Ony qūqyq qorǧau organdary özderı şeşedı. Men sottyŋ tırlıgıne aralasa almaimyn. – Damyǧan örkeniettı elderde osyndai jaǧdaida basşylar otstavkaǧa ketıp jatady. Sızge mandat qymbat pa? – Örkenietke jeteiık. Men otstavkaǧa ketpeimın, öitkenı qazaq halqyna, özderıŋız sekıldı azamattarǧa paidam köp tiedı. – Soŋǧy 30 jylda auyl şaruaşylyǧy damymady ǧoi. Būǧan deiın qandai paida keltırdıŋız? – «Vot», sony endı damytamyz. Sol auyl şaruaşylyq salasyn damytuǧa maǧan mümkınşılık berıŋız.Serık Joldasbai
