Taldyqorǧan qalasyndaǧy Nazarbaev Ziiatkerlık mektebınde Auǧan soǧysynyŋ ardagerlerımen kezdesu öttı.
«Auǧanstannyŋ tırı jady» - osyndai ataumen Keŋes äskerlerınıŋ şekteulı kontingentınıŋ Auǧanstannan şyǧarylǧanyna 34 jyl toluyna orai Ziiatkerlık mektebınıŋ jataqhanasynda ıs-şara öttı.
Kezdesu qonaqtary Auǧan soǧysynyŋ ardagerlerı – Ainekov Marat Seitaiūly, Omarov Amangeldı Jūmahanūly, Däuletov Mirambai Aidynūly boldy.
Jauynger-internasionalister Auǧanstandaǧy oqiǧalar, keŋes jauyngerlerınıŋ äskeri ömırı, soǧys qiyndyqtary jäne jergılıktı soǧys ardagerlerınıŋ qazırgı uaqytta ne ıstep jatqany turaly äŋgımeledı.
Atalmyş keşke oquşylar erekşe daiyndalyp, öz önerlerın paş ettı.
Bız Auǧan soǧysynyŋ tarihyn, tıkelei kuägerlerdıŋ estelıkterı arqyly bıluge, olardyŋ jat jerde bolyp jatqan oqiǧalarǧa jäne odan keiıngı ömırge közqarasyn bıluge bıregei mümkındık aldyq, — deidı 10-synyp oquşysy Aqjol Bolat.Öskeleŋ ūrpaqqa Otandy süiudıŋ, patriottyq boryşyn öteudıŋ ne ekenın öz ülgısımen körsete bılgen Ūly Otan soǧysynyŋ ardagerler qatary azaiyp barady, ornyna Auǧan soǧys jauyngerlerınıŋ kelüın NIS jataqhanasynyŋ tärbieşılerı öz sözderınde atap aitty.
Mūndai kezdesuler öskeleŋ ūrpaq üşın öte maŋyzdy. Öitkenı, 18-19 jas aralyǧyndaǧy jas ūldar, aǧalar, äkeler osy soǧysta qaza tapty. Bügıngı kezdesu jastardyŋ boiynda qazırgı qoǧam ömırınde patriottyq sezım, öz elınıŋ ötkenıne qūrmetpen qarau üşın Otan aldyndaǧy boryşyn adal atqaruǧa üiretedı, – deidı tärbieşıler Aigül Nūrahmetova men Nazym Moldahmetova.Patriottyq kezdesu Qazaqstan Äue qorǧanysy küşterınıŋ Taldyqorǧan qalasyndaǧy aviabazasyna ekskursiiamen jalǧasty.
