Taldyqorǧan qalasyndaǧy Nazarbaev Ziiatkerlık mektebınıŋ oquşylary Ūly Otan soǧysynyŋ ardagerlerın, tyl eŋbekkerlerın qūttyqtady.
«Ardagerlerdı ardaqtaiyq» demeuşılıgımen ardagerlerdı qūttyqtau Ziiatkerlık mekteptıŋ igı dästürıne ainalǧan. Jyl ötken saiyn olardyŋ sany azaiyp barady, naǧyz batyrlarmen, patriottarmen, ǧajaiyp, batyl adamdarmen ötkızgen ärbır minuty ärbırımızge qūndy.
ŪOS ardagerı Särsenbai Qaŋtarbai atamen 10-synyp oquşylary qūttyqtap qaitty. Särsenbai Qaŋtarbai aty aŋyzǧa ainalǧan qolbasşy Bauyrjan Momyşūly basqarǧan 9-gvardiialyq atqyştar polkınıŋ qūramynda şaiqasqan. Bölımşe kürdelı tapsyrmany – qūpiia qarudy küzetu missiiasyn oryndady. Polşany, Litvany, Latviiany, Estoniiany azat etuge qatysty. Maidannan oralǧan aqsaqal jūrtpen bırge eldı ırgesınen köterıp, poştaşy jäne mūǧalım bolyp jūmys ıstedı.
99 jastaǧy ardagerdı qazır Nūraly nemeresı baǧyp otyr.
Bız ärqaşan qoǧamymyzdyŋ Otanǧa degen süiıspenşılık, bır-bırımızge degen qūrmet siiaqty ruhani qūndylyqtaryn joǧary baǧalaimyz. Bügınde būl ruhani qūndylyqtardy sender, jas ūrpaq, būrynǧydan da nyǧaityp, köbeitu kereksınder. Bız senderge senemız! — dedı soǧys ardagerı Särsenbai Qaŋtarbai öz sözınde.9-synyp oquşylary men ata-analary ŪOS ardagerı Polynko Viktor Trofimovichke qonaqqa bardy. Balalar onyŋ ömırı men qyzmetı turaly äŋgımelerın tyŋdady. Soǧys jyldarynda snariad tieuşı bolyp, on jetı jasar jıgıt Almaty qalasynan maidanǧa attanǧan. Kezdesu barysynda onymen bırge oquşylar ötken äskeri ömırınıŋ tarihyn tyndasa, al Viktor Trofmovich ötken oqiǧalardy ökınışpen eske aldy ...
Būl soǧys qaitalanbauy üşın onyŋ qasıretın ūmytuǧa qūqyǧymyz joq. Qazır ömır süruımız üşın qaza tapqan jauyngerlerdı ūmytuǧa haqymyz joq. Bız bärın jadymyzda ūstauǧa mındettımız..., — dep öz pıkırımen 9-synyp oquşysy Aiym Bauyrjanqyzy bölıstı.Barlyq synyptarda kuratorlyq saǧattar, «Şaŋyraq» saǧattary ötkızıldı. Oquşylar atalarynyŋ erlıkterı turaly, Qazaqstannyŋ jeŋıske qosqan ülesı turaly, Ūly Otan soǧysynyŋ maŋyzdy şaiqastary turaly äŋgımeledı. 7-synyp oquşysy Ädina Mämbetjanova arǧy atasy Dınislam Mämbetjanov turaly aqparatpen bölıstı.
Menıŋ arǧy atam – bızdıŋ äuletımızdıŋ batyry. Bala kezınen öte qatal, zerdelı adam bolǧan. Soǧysqa attanǧanda nebärı 18 jasta edı. Soǧysta auyr jaralanyp, soǧan qaramastan bükıl Otan soǧysyn basynan ötkerıp, 50 jasynda būl dünieden öttı. Bıraq bız üşın de, Otany üşın de ol älı tırı, - dep batyrdyŋ şöberesı atasynyŋ fotosuret tarihyn aityp berdı.Soǧys jyldaryndaǧy estelıkter ūrpaqtan-ūrpaqqa jalǧasuda. Jyl saiyn ziiatkerlerımız Taldyqorǧan qalasynyŋ Ūly Otan soǧysynyŋ ardagerlerımen, eŋbekkerlerımen kezdesıp, aksiialar ūiymdastyrady. Būl joly da ardagerlerge, tyl eŋbekkerlerıne, qarttarǧa azyq-tülık sebetter tabystady. Soǧys el üşın ǧana emes, ärbır jeke adam üşın qaşanda auyr synaq. Soŋǧy jyldardaǧy tarihymyzdyŋ derekterı qalai özgerse de, 9 mamyr – Jeŋıs künı mäŋgı esımızde.
