Memleket basshysynyń tapsyrmasyna sáıkes, turǵyn úı kommýnaldyq sharýashylyǵyn jańǵyrtý, jyldar boıy qordalanǵan ınfraqurylym máselesin sheshý jáne otandyq óndiristi damytýǵa qatysty Qyzylorda qalasynda ilkimdi ister júzege asýda.
Qalanyń sol jaǵalaýynda qurylysy bastalǵan 84 páterli 7 qabatty 6 turǵyn úı boı túzedi. Janynda kópqabatty 10 úıdiń qurylysy bastalǵan.
Sonymen qatar, Sultan Beıbarys kóshesiniń N.Nazarbaev dańǵylynan Táýelsizdik dańǵylyna deıingi aralyqta abattandyrý jumystary júrýde. Kósheniń bir shaqyrymǵa sozylǵan bir bóligi 6 jolaqty. Sondaı-aq, kósheniń boıyna eki sýburqaq, skverler men balalar oıyn alańdary salynbaq.
Al, N.Nazarbaev dańǵylynan Qyzylorda-Qumkól trassasyna deıingi jol qaıta jańǵyrtýdan ótýde. Atalǵan aýmaqtaǵy jóndeý jumystaryn «ÝAD» JShS júrgizýde. Buǵan deıin kólik aǵyny tolastamaıtyn respýblıkalyq mańyzy bar kósheniń tarlyǵynan jolaýshylar men sol mańdaǵy turǵyndar qaýipsizdigi ózekti másele bolyp kelgen edi. Jaqynda bul másele de sheshimin tabatyn bolady. Sultan Beıbarys kóshesin abattandyrý jáne qaıta jańǵyrtý qazan-qarasha aılarynda tolyq aıaqtalady dep kútilýde.
Aıta ketý kerek, Qyzylorda qalasyna qarasty Tasbóget kentinde deneshynyqtyrý-saýyqtyrý kesheni kent turǵyndary úshin mańyzdy jobalardyń biri. Nysannyń quny – 542,1 mln teńge. Joba qurylysy 2024 jyldyń naýryz aıynda bitedi. Jaýapty merdiger «Integrostroı» JShS.
Saıahat turǵyn aýdanyndaǵy Sh.Bákirova kóshesinde de jumys qyzý júrýde. Bir shaqyrymǵa jýyq aýmaqty ortasha jóndeýden ótkizýdi merdiger kompanııa "Qyzylorda-Trast" JShS-i bastap ketti.
Qazirgi tańda, aımaqtyń bas shaharynda júrgizilip jatqan barlyq áleýmettik nysandar men turǵyn úı qurylystary qarqyndy júrýde.
