Elımızdıŋ maqtanyşy, arbaǧa otyryp bileuden älem chempiony Malika Mūhtarova qaitys boldy, dep jazady "Adyrna". Būl turaly Ashat Maemirov Facebook paraqşasynda estırttı.
"Elımızge tanymal sportşy, para sport boiynşa otandyq, halyqaralyq, älemdık turnirler men chempionattardyŋ bırneşe dürkın jeŋımpazy, halyqaralyq sport şeberı, älem chemipony, Qazaqstannyŋ inkliuziia teatr keŋıstıgındegı şoqtyǧy biık aktrisa Malika Mūhtarova 23 jastan asqan şaǧynda dünie saldy. Malika turaly ötken şaqta söileu öte qiyn... Kışkentaiynan ömırı qiyndyqqa toly bolyp, arbaǧa taŋyldy. Bıraq eşqaşan moiymady. Tabiǧaty erekşe, talanty bölek, adami qasietterı erek Malika - naǧyz küreskerge ainaldy. Jan saraiy meiırımge toly, jüregı "Öner" dep soqqan Malika - qaisarlyq pen batyldyqtyŋ, maqsatşyldyq pen eŋbekqorlyqtyŋ jarqyn ülgısı bola bıldı" dep qaiǧyra esıne aldy Ashat Maemirov.
Malika Mūhtarova 2000 jyly 21 nauryzda Qostanai oblysyndaǧy Meŋdıqara audanynda düniege keldı. Qostanai qalasyndaǧy Gafu Qaiyrbekov atyndaǧy №9 orta mekteptı tämämdady. Qostanai memlekettık pedagogikalyq universitetın aiaqtady. Para sporttan halyqaralyq därejedegı sport şeberı. Arbaǧa otyryp sporttyq bi bileuden Respublikalyq, halyqaralyq, älemdık turnirler men chempionattardyŋ jeŋımpazy.
Marqūmnyŋ tuystary men jaqyndaryna "Adyrna" ūjymy atynan qaiǧyra köŋıl aitamyz!
