Sybaılas jemqorlyqqa qarsy qyzmet «Azamattarǵa arnalǵan úkimet» memlekettik korporaııasynyń Astana qalasy boıynsha mamandandyrylǵan departamentiniń uıymdasqan tobyna jáne azamattyq tulǵalarǵa qatysty sotqa deıingi tergeýdi aıaqtady, - dep habarlaıdy "Adyrna" portaly.
Vedomstvonyń málimetinshe, qylmystyq is «SC Web-Module» jáne «HQKO IAJ» aqparattyq júıelerine kólik quraldary týraly málimetterdi zańsyz engizý jáne joıý, mámilelerdiń jazbasha nysandaryn burmalaý faktileri boıynsha tergeldi.
"Qylmystyq top 2022 jyldyń qańtar-mamyr aralyǵynda zańda belgilengen alymdar men tólemderdi tólemeı, shetelden ákelingen 475 avtokólikti zańsyz tirkegeni anyqtaldy. Osyǵan baılanysty memleketke 1,4 mlrd. teńge somasynda asa iri kólemde zalal keltirilgen.
Barlyǵy 30 adam qylmys jasady degen kúdikke ilingen. Olardyń qatarynda Astanadaǵy No2 Arnaýly halyqqa qyzmet kórsetý ortalyǵynyń basshysy, tórt polıııa qyzmetkeri men kólikterdi zańsyz tirkeýde óz qyzmetterin usynǵan deldaldar bar. Qazirgi ýaqytta qylmystyq is materıaldary tekserilýde», - dedi Antıkor.
Sybaılas jemqorlyqqa qarsy qyzmet qazaqstandyqtardy avtokólikterdi tirkeý kezinde deldaldardyń qyzmetin paıdalanbaýǵa shaqyrady.
Eske salaıyq, 2022 jyldyń tamyzynda Sybaılas jemqorlyqqa qarsy qyzmet arnaıy HQKO qyzmetkerleri men polıııa qyzmetkerleri kólikterdi tirkeý kezinde zańsyz baıý shemasyn paıdalanǵanyn málimdegen. Antıkordyń aıtýynsha, Astanada da osyndaı shema toqtatyldy.
"Adyrna" ulttyq portaly
