Amerıkalyq zertteýshi sý astynda bolý uzaqtyǵy boıynsha kónergen rekordty jańartty. Ol sý astyndaǵy tirshiligin jalǵastyryp jatyr. Bul týraly "Adyrna" ulttyq portaly VVS arnasyna silteme jasap habarlaıdy.
Florıda shtaty, Kı-Largo qalasynyń turǵyny Djozef Dıtýrı 30 fýt tereńdiktegi Lagýna túbinde 74 kúnnen astam ýaqyt ótkizdi.
Onyń sý astynda ómir súretin shańyraǵy bar. Teńiz túbindegi sol baspanasynda kem degende 100 kún bolatynyn aıtty.
"Birinshi kúnnen bastap keleshek urpaqqa shabyt syılap, sý astyndaǵy ómirdi zertteıtin ǵalymdardan suhbat alǵym keldi. Adam aǵzasynyń tótenshe, qalypty turmystan tys jaǵdaılarda qalaı jumys isteıtinin bilýdi maqsat ettim", — dedi ǵalym.
Osyǵan deıin sý astynda ómir súrý boıynsha rekordty eki professor 2014 jyly ornatqan edi. Olar da Kı-Largo úıinde 73 kún boldy.
Sý astyndaǵy shańyraqtyń súńgýir qaıyqtan aıyrmashylyǵy, lodj joǵary sý asty qysymyna beıimdelý úshin tehnologııany paıdalanbaıdy.
"Tereń teńiz doktory" atty laqap atpen tanymal professor Dıtýrı óz saıahatyn 1 naýryzda bastady. Ol Florıda-Kıs lagýnanyń túbinde ornalasqan shaǵyn bólmege jaıǵasqan.
Project Neptune 100 dep atalatyn joba aıasynda Ońtústik Florıda ýnıversıtetiniń professory adam aǵzasynyń tótenshe jaǵdaıda qalaı qubylatynyn, ekstremaldy qysymda uzaq merzim qalsa, qalaı ózgeretinin zerttep jatyr.
Zertteýshiler 55 jastaǵy er adamnyń densaýlyǵyn, sonymen qatar, uzaq ýaqyt oqshaýlanýdyń psıhologııalyq áserin birqatar medıına ádistemeleri arqyly zertteıdi.
Professor sý astynda esh qıyndyq kórmegenin aıtady. Ol shákirt baýlý isin teńiz astynda jatyp ta jalǵastyryp jatyr. Ońtústik Florıda ýnıversıtetiniń málimeti boıynsha, professor onlaın sıpatta stýdentter úshin bıomedıınalyq ınjenerııa sabaqtaryn júrgizedi.
Professor sý astynda jaı jatqan joq. Erte, saǵat 05:00-de oıanyp, jattyǵý jasaıdy. Ol mıkrotolqyndy pesh kómegimen jumyrtqa jylytyp jeıdi. Aqýyzy mol taǵamdardy tutynady. Degenmen "bir kúndik sáýleni" saǵynǵanyn da jasyrmady.
"Jer betinde saǵynǵan nársem bar. Ol - kún", — deıdi sý patshalyǵynyń turǵyny.
"Adyrna" ulttyq portaly
