Jambyl oblysyndaǵy Merki aýdanynyń Merki aýylynan 14 shaqyrym qashyqtyqta ornalasqan «Turan» demalys aımaǵy órtke orandy. Bul týraly Jambyl oblystyq Tótenshe jaǵdaılar departamenti baspasóz qyzmeti málimdedi, dep habarlaıdy “Adyrna” ulttyq portaly.
Órt 20 mamyr kúni saǵat 21.56-da tutanǵan.
Sol mańdaǵy aǵashtan soǵylǵan 4 ǵımarat – ákimshilik ǵımarat, dámhana jáne eki qonaqúıdi jalyn sharpyǵan. Oqıǵa ornynda Tótenshe jaǵdaılar departamentiniń 37 qyzmetkeri men 12 tehnıkasy jumyldyrylyp, órtti sóndirip jatyr.
Saǵat 00.13-te jalynnyń taralýy toqtatyldy. Tilsiz jaý sharpyǵan aýmaqtyń kólemi anyqtalyp jatyr.
Aıta keteıik, jyl boıy qyzmet kórsetetin «Turan» demalys aımaǵy Qyrǵyz Alataýynyń baýraıynda, teńiz deńgeıinen 750 metr bıiktikte, Merki shatqalynda ornalasqan.
