Keshe óńirlik kommýnıkaııalar qyzmetiniń alańynda Sarysý aýdany ákiminiń mindetin atqarýshy Sáken Mamytov jáne Jańatas qalasynyń ákimi Dúısenáli Borsyqovtyń qatysýymen baspasóz máslıhaty ótti. Spıkerler brıfıng barysynda Sarysý óńirinde bıyl atqarylǵan jumystar týraly baıandama jasady.
Basqosýda alǵashqy bolyp sóz alǵan Sáken Úmbetulynyń aıtýynsha, aımaqtyń áleýmettik-ekonomıkalyq damýynyń barlyq salasynda oń dınamıka qalyptasqan.
Esepti kezeńde ónerkásip óniminiń kólemi 26,1 mıllıard qurap, 103,7 paıyzǵa, ınvestıııalardyń kólemi 10,1 mıllıard teńgege jetip, 267,7 paıyzǵa oryndalǵan. Aýdanda aldaǵy 5 jylǵa ınvestıııalyq jobalardyń perspektıvalyq jospary jasaqtalǵan.
Aýyl sharýashylyǵy salasynda 4 aıda óndirilgen ónimniń kólemi 2,6 mıllıard teńgeni qurap, ótken jylmen salystyrǵanda 102,8 paıyzǵa artyp otyr. Aýdandaǵy egistik jer kólemi 24 717 gektardy qurasa, 24 500 gektary ıgerilgen. Sonymen qatar paıdalanylmaı jatqan 77,6 myń gektar jer memleket menshigine qaıtarylǵan. Al eldi meken jaıylymy 110,0 myń gektarǵa ulǵaıǵan.
Aýdanda mal sharýashylyǵy ónimderiniń kólemi de artýda. Jyl basynan óndirilgen et kólemi 3 paıyzǵa, sút ónimi 2,7 paıyzǵa artqan.
Jyl basynan beri 254,3 mıllıon teńgeni quraıtyn 32 jańa tehnıka alynyp, jańarý kórsetkishi 4,6 paıyzǵa jetken. Jyl aıaǵyna deıin tehnıka jańartý úlesi 12,0 paıyzǵa jetedi.
– Kásipkerlikti damytý – basty nazarda. Búgingi kúnge aýdanda 4 932 shaǵyn jáne orta bıznes sýbektisi tirkelgen. Onyń 4 385-i belsendi qyzmet istep, ótken jyldyń tıisti kezeńimen salystyrǵanda 48,2 paıyzǵa artty. Jyl basynan kásipkerlerge 472 mıllıon teńgege memlekettik qoldaý kórsetildi. Qurylys jumystarynyń kólemi 2023 jyldyń 4 aıynda 1,5 mıllıard teńgeni qurap, 147,5 paıyzǵa jetti .
Bıyl qurylys salasyna «Shaǵyn jáne mono qalalardy damytý» baǵdarlamasy aıasynda 578,1 mıllıon teńge qarjy qaralyp otyr. Sonymen qatar «Bıznestiń jol kartasy-2025» baǵdarlamasy aıasynda jyldyq qýaty 400 myń tonna kalıılengen soda óndirý zaýytynyń shekarasyna deıin Aqkól kólinen sý tartqyshty salýǵa 2,1 mıllıard teńge jáne Jańatas ement zaýytyn elektrmen jabdyqtaý úshin 163,5 mıllıon teńge qarjy bólinip, bıyl aıaqtalady.
Aýdanda 4 aıdyń qorytyndysymen paıdalanýǵa berilgen turǵyn úılerdiń jalpy kólemi 2 467 sharshy metrdi qurap otyr. Kommýnaldyq turǵyn úı qorynan páter alý kezeginde 1 588 adam tur.
Bıyl halyqty turǵyn úımen qamtamasyz etý maqsatynda respýblıkalyq jáne oblystyq bıýdjetten 2,1 mıllıard teńge qaralyp, qazir merdigerlerdi anyqtaý boıynsha konkýrs jumystary júrgizilýde, – dedi Sáken Mamytov.
Spıker munan soń eldi mekenderdi abattandyrý jumystary, «Aýyl – el besigi» jobasy, aýyzsýmen qamtý, gazdandyrý, sport, densaýlyq, mádenıet salalary boıynsha atqarylǵan jumystary men jetken jetistikterge keńinen toqtaldy.
Brıfıng barysynda Jańatas qalasynyń ákimi Dúısenáli Borsyqovtyń da baıandamasy tyńdaldy. Spıker aldymen qalanyń damýy negizderine toqtaldy.
– Búgingi kúnge 5 iri óńdeý ónerkásibi, atap aıtqanda, «Evrohım» JShS, «Qazfosfat» TKÓK, «Jaras» munaı óńdeý zaýyty, «Asyl tuz» solıanaıa kompanııa» JShS, «Taraz kólik joly» asfalt óndirý zaýyty turaqty túrde jumys isteýde.
Bıylǵy jyldyń 4 aıynda ónerkásip ónimderiniń quny 23,7 mıllıard teńge qurady, – dedi D.Borsyqov.
Jalpy qalada budan da basqa atqarylyp jatqan jumystar qyrýar. Jańatas qalasynyń ákimi barlyǵyna jiti toqtalyp, BAQ ókilderiniń saýaldaryna jaýap berdi.
Aıjan ÓZBEKOVA
