Tūrǧyn üi baǧdarlamalary boiynşa bastapqy jarnany alyp tastau ūsynyldy

3016
Adyrna.kz Telegram
https://adyrna.kz/content/uploads/2023/05/ada90682-fb5e-4ac9-87d3-44a9b1c78f0c.jpeg
Tūrǧyn üi baǧdarlamalary boiynşa bastapqy jarnany alyp tastau ūsynyldy. Būl turaly Mäjılıs deputaty Gauhar Tanaşeva köpbalaly, tolyq emes jäne mügedektıgı bar balalardy tärbielep otyrǧan otbasylar üşın memlekettık tūrǧyn üi baǧdarlamalaryn qaita qaraudy ūsyndy, dep habarlaidy “Adyrna” tılşısı.
2023 jylǧa “Baqytty otbasy” baǧdarlamasyna 3176 ötınışke, “Şaŋyraq” baǧdarlamasyna 3610 ötınışke 71,9 mlrd teŋge bölındı. Būl baspana kezegınde tūrǧan 415 700 adamnyŋ biyl tek 6 786 ötınışı maqūldanady degen söz. Būl ipoteka boiynşa baspana ala alatyn mūqtajdardyŋ jalpy sanynyŋ 1,6% qūraidy, - dedı Tanaşeva.
Deputat köpbalaly, tolyq emes jäne mügedektıgı bar balalardy tärbielep otyrǧan otbasylarǧa ipotekalyq nesienı qoljetımdı etu qajet ekenın aitty.
Tūrǧyn üi kezegıne tūru üşın tūraqty tūrǧylyqty jerı boiynşa üş jyldan astam tırkeu boluǧa mındettı. Is jüzınde halyq aqyly tırkeu problemasyna tap bolady: būl sybailas jemqorlyqty tudyrady, azamattardy osylaişa zaŋsyzdyqtarǧa itermeleidı. Sondai-aq tūraqty, jaqsy jalaqy alatyn jūmys kerek. Soŋǧy alty aidaǧy otbasynyŋ jiyntyq tabysy joǧary boluy kerek. Al ipotekany maqūldaudaǧy maŋyzdy sätterdıŋ bırı – jaqsy nesie tarihynyŋ boluy. Bıraq osy üş sanattaǧy otbasylar nesienı öteu mäselesıne jiı tap bolady jäne olardyŋ barlyǧynda nesie tarihynda körsetılgen keşıktırılgen tölemder bar. Osyǧan bailanysty olar ipotekaǧa päter satyp ala almaidy, - deidı Tanaşeva.
Osyǧan bailanysty ol “Baqytty otbasy” jäne “Şaŋyraq” baǧdarlamalary boiynşa bastapqy jarnany mındettı şarttardan alyp tastaudy nemese üş sanatqa – köpbalaly otbasylarǧa, tolyq emes otbasylarǧa jäne mügedektıgı bar balalardy tärbielep otyrǧan otbasylarǧa tūrǧyn üi sertifikatyn berudı ūsyndy. Sondai-aq erekşe qajettılıgı bar balalardy tärbielep otyrǧan otbasylardy jäne mümkındıgı şekteulı eresekterdı tūrǧyn üimen qamtamasyz etu üşın jeke kezek jasau, “Baqytty otbasy” baǧdarlamasyna tolyq emes otbasylardy qosu ūsynyldy.
Pıkırler