AES qana senımdı energiia bere alady – Qūmar Äusenov

Atom elektr stansasy ǧana senımdı energiia bere alady. Mūndai pıkırdı «Qazaqstan atom elektr stansasy» JŞS atom energetikasy bölımınıŋ jetekşı injenerı Qūmar Äusenov bıldırdı, dep habarlaidy QazAqparat tılşısı. «Atom elektr stansasyn jobalaumen ainalysyp jatqanymyzǧa 5 jyl boldy. Mūnyŋ bärı elektr energiiasynyŋ tapşylyǧyna bailanysty. Bız köptegen jobany qarastyrdyq, ölşemşarttaryn äzırlep, baǧalau jürgızdık. 2019 jyly 9 kompaniiaǧa sūranys jıbergen edık. Olardyŋ ışınde amerikalyq, reseilık, koreilık jäne qytailyq 5 kompaniia jauap berdı. Būl 4 eldıŋ tehnologiiasy şamamen bırdei, ūqsas», - dedı Qūmar Äusenov Euraziia ūlttyq universitetınde AES-tıŋ ekologiiaǧa äserın talqylauǧa arnalǧan döŋgelek üstel otyrysynda. Onyŋ atap ötuınşe, atalǧan elderdıŋ barlyǧynyŋ tehnologiiasy qauıpsız. Jalpy, AES-tegı apat 10 mln jylda şamamen 1 ret qana oryn aluy mümmkın. «Qazırdıŋ özınde tapşylyq şyrqau şegıne jetkende 1 gigavatqa deiın energiia tapşylyǧy bar. AES qana bazalyq senımdı energiia bere alady. Ärine, jylu stansasy da bar. Bıraq, olar kömırtegın böledı», - dedı ol.