31 mamyrda ótken parlament otyrysynda Májilis depýtaty Ermurat Bapı Bas prokýror Berik Asylovqa saýal joldady, dep habarlaıdy “Adyrna” ulttyq portaly.
Depýtat joldaǵan saýalynda halyq qazynasyn urlaǵandarǵa qatysty tyń málimetterin aıtyp, ádilettilik ornatý maqsatynda el prezıdenti jarııalaǵan naýqandy ashyq júrgizýdi surady.
Halyq qazynasynan urlanyp-jyrlanǵan aktıvterdi elge qaıtarýǵa qatysty zaryqtyrǵan zań jobasy aqyr sońy Májiliske tústi. Ázirge kóz júgirtip shyqqanda, onyń shıki tustary az emes. Biraq biz – eger shynaıy halyqtyń depýtattary bolsaq, bul zańdy elde ádilet ornatýdyń bir ınstrýmentarıi deńgeıine jetkizip qabyldaýymyz kerek bolady. Bul prınıpti jáne kún tártibinde turǵan eń mańyzdy másele. Biz kleptokrat urylar 30 jyl boıy talan-tarajǵa salǵan halyq baılyǵyn, tym quryǵanda, onyń teń jartysyn elge qaıtarýymyz kerek. Bul keminde 150 mıllıard dollarmen ólshenetin qazyna, - dep atap ótti Ermurat Bapı.
Sondaı-aq, bas prokýrordy «tıisti zańnyń qabyldaýyn kútpeı, iske shuǵyl kirisýge» shaqyrǵan májilis depýtaty, aldaǵy bes jylda kleptokratııa taqyrybyn «parlament partasynan» qaıtalaı beretinin de jasyrǵan joq.
Eske salaıyq, mamyrdyń 23-de Májilis qaraýyna «Zańsyz alynǵan aktıvterdi memleketke qaıtarýǵa qatysty» bes zań jobasy kelip tústi. Bul máselege qatysty el ishinde tıisti zańdar ázirlep, qabyldaý jóninde memleket basshysy 2022 jyly tapsyrma bergen bolatyn.
