Öz basym Elbasy kelesı prezidenttıkke Dariǧany ūsynady degenge senbeimın. Soŋǧy jyldary xalyqtyŋ 30 jyldyq jüieden şarşap, Elbasynyŋ sözıne qarsy şyǧa bastaǧany sezılıp-aq tūrdy. Täjıribelı saiasatker retınde Elbasy mūny sezdı. Bıldı! Sailauǧa tüspei kettı!
Elbasy "Menı tyŋdamai jatqan xalqym qyzymdy tyŋdaidy" degenge senetındei aŋǧal saiasatker emes. Zamannyŋ özgergenın, atadan balaǧa bilıktı tastap ketetın däurennıŋ ötkenın bılmeidı deuge kelmeidı. Qazaqtyŋ mentalitetı belgılı. Mysy men bedelı, xarizmasy basym äkesınıŋ sözın tyŋdamauǧa köşken el äiel balasy qyzyna qalai baǧynsyn?..
Saiasatker retınde bilık tranzitın Dariǧa üşın jasap, bükıl ömır boiy qasyqtap jinaǧan abyroiyn şelektep tögetındei qadamǧa barmaityn şyǧar. Elbasynyŋ psixologiialyq portretı myqty saiasatker retınde tarixta qaludy qalaityn tūlǧa ekenı belgılı. Däl osyndai tūlǧanyŋ özıne baǧynbai bastaǧan xalyqqa qyzynyŋ sözı ötedı degenge senıp, saiasi karerasynyŋ soŋynda abyroiyn tüsıretın qadamǧa baruy mümkın emes. Dariǧany ūsynǧanşa luchşe sailauǧa özı tüse salsa taǧy da 5 jyl bilıkte otyratyn mümkındıgı bar edı. Osy mümkındıktı saiasi riskı köp Dariǧa jobasyna aiyrbastaityndai saiasatqa jaŋa kelgen, täjıribesız tūlǧa emes. Logikaǧa salyp qarasaŋ özı "Qauıpsızdık Keŋesın", "Nūr Otandy" basqaryp eşe jyǧylǧanǧa jūdyryq degendei Dariǧa prezident bolsa äkesı men qyzy bır eldı qatar bilegen jüiege qazaq köne me? Būlai jasaǧanşa äkesı özı-aq typ-tynyş taǧy 5 jylǧa sailana salmaidy ma?.. Būl onsyz da är jerden bır būrq etıp, jyldan jylǧa dausy qatty şyǧa bastaǧan, 30 jyldan berı şydap otyrǧan xalyqtyŋ jüikesımen oinaityn, otqa mai qūiatyn qadam ǧoi. Elbasy mūny boljai almaityn saiasatkerlerdıŋ qatarynan emes.
Menıŋ oiymşa sailauǧa "Bolaşaq" tülekterınıŋ bırı tüsedı. Bilıktı özı aşqan baǧdarlamamen oqyǧan, otbasyna tuysqandyq qatynasy joq azamatqa tapsyryp, 30 jyldyq eŋbegınıŋ logikalyq tüiının ädemı jasap ketse bedelı arta tüsedı. Eŋ bolmaǧanda ekınşı variant Toqaevtyŋ özı tüser. Bıraq, Elbasy bilık mūragerı retınde Dariǧany taŋdaidy degenge senbeimın! Tym saiasi riskı köp qadam. Täjıribelı saiasatker retınde Elbasy öz bedelı men abyroiyn joǧaltyp, bilıkte ūzaq otyrǧan prezidentterge qarsy älemnıŋ är tükpırınde köterılıs pen qaqtyǧys bolyp jatqanda mūndai riskke barady degenge sengım de kelmeidı. Olai jasaityn bolsa luchşe sailauǧa özı tüse salǧany jaqsy edı. Uaqyt töreşı. Küteiık!
Bauyrjan Serıkbaev
