«Qorǧas – Şyǧys qaqpasy» arnaiy ekonomikalyq aimaǧy Jetısu oblysy ekonomikasynyŋ damuyna tyŋ serpın beredı. Onyŋ aumaǧynda 2030 jyldyŋ soŋyna deiın jalpy qūny 570 mlrd. teŋgelık 30 jobany ıske asyrylu mejelengen. Būl turaly bügın Ortalyq kommunikasiialar qyzmetınıŋ üilestıruımen Eskeldı audanyndaǧy «Tau Jetısu» turistık nysanynda ötken brifingıde Jetısu oblysynyŋ äkımı Beibıt İsabaev aitty, - dep habarlaidy Jetısu oblysy äkımınıŋ baspasöz qyzmetı.
AEA-da QHR-men bırlesıp, «Qazaqstan-Qytai halyqaralyq önerkäsıp qalasy» industrialdy tehnopark qūrylysynyŋ jobasy qolǧa alynuda. Aumaǧy 1000 ga bolatyn jobaǧa 330 mlrd. teŋge investisiia tartylyp, 2 myŋnan astam jūmys orny aşylady. «Jobany jandandyru turaly memorandum jasastyq, jyl soŋyna deiın qūrylystyŋ bırınşı kezeŋın bastau josparlanyp otyr», - dedı B.İsabaev.
Spikerdıŋ sözıne süiensek, öŋırdıŋ agrarlyq baǧytyn eskere otyryp, AEA aumaǧynda Qytaidaǧy jaŋbyrlatyp suaru jüiesınıŋ ırı öndıruşısı «VODAR» kompaniiasy qūny 20 mln. dollar bolatyn irrigasiialyq qūral-jabdyqtar şyǧaratyn zauyt aşudy josparlap otyr. Alǧaşqy jelısı biylǧy jyly ıske qosylady.
Sonymen qatar oblystyŋ şekaralyq aimaqta ornalasuyn tiımdı paidalanu üşın kölık-logistikalyq salada Dostyk TransTerminal», «DAR RAIL Infrastructure», «ETT Dostyk» kompaniialarynyŋ 3 jobasy qarastyrylǧan. Iаǧni köp funksionaldy jük tieu terminalynyŋ qūrylysy jürgızıledı, qūny 57,3 mlrd.teŋge, jalpy quaty 11 mln. tonna nemese 630-700 myŋ konteiner.
Eske salsaq, 3 jyldyq üzılısten keiın «Qorǧas» HŞYO öz jūmysyn qaita bastaǧan bolatyn. Jūmys rejimıne özgerıster engızılıp, tauar tasymaldaudyŋ jaŋa normalary bekıtılgen. Qazırgı kezde Ükımettıŋ qaulysymen «Qorǧas» HŞYO äkımdık balansyna berıldı.
Jetısu oblysy äkımınıŋ baspasöz qyzmetı.
Jetısu oblysy äkımınıŋ baspasöz qyzmetı.
