Jetısu oblysynda gazdandyruǧa jatatyn 192 eldı mekenıŋ qazırgı kezde 22-sıne gaz qūbyry tartyldy, 288 myŋ adam gazǧa qol jetkızuge mümkındık aldy. Sonyŋ ışınde 12 auyl oblys qūrylǧannan keiın gazdandyryldy. 2023 jyldyŋ soŋyna deiın taǧy 18 eldı meken gazǧa qosylady. Būl jaiynda bügın jurnalisterge brifing barysynda Jetısu oblysynyŋ äkımı Beibıt İsabaev aityp berdı, - dep habarlaidy Jetısu oblysy äkımınıŋ baspasöz qyzmetı.
Oblys basşysynyŋ aituynşa, Prezidenttıŋ tapsyrmasyn oryndau aiasynda 2025 jylǧa qarai Kerbūlaq audanynan Taldyqorǧanǧa deiıngı barlyq eldı mekender gazdandyrylatyn bolady. Sonyŋ nätijesınde 506,6 myŋnan astam tūrǧyn nemese jetısulyqtardyŋ 71,7% kögıldır otynǧa qosyluǧa mümkındık alady.
- Osy maqsatta «Taldyqorǧan - Üşaral» magistraldy gaz qūbyry qūrylysynyŋ JSQ-sy daiyndaluda. Aqsu, Sarqan, Alaköl audandaryndaǧy 124 myŋ halqy bar taǧy 66 eldı mekendı gazdandyramyz. Jobanyŋ 2024-2028 jyldary ıske asyrylady, - dedı B.İsabaev.
Jetısu oblysy äkımınıŋ baspasöz qyzmetı
Jetısu oblysy äkımınıŋ baspasöz qyzmetı
