«Qazırgı Qazaqstan qoǧamyndaǧy dınnıŋ rölı». Almatyda seminar öttı

2233
Adyrna.kz Telegram
https://adyrna.kz/content/uploads/2023/06/izobrazhenie_2023-06-23_175259564.png
Almaty qalasynda Qazaqstan halqy Assambleiasy etnomädeni bırlestıkternıŋ,  qoǧamdyq bırlestıkterdıŋ jäne jastardyŋ qatysuymen seminar öttı. Aǧymdaǧy jylǧy 21 mausym künı «Dostyq üiınıŋ» ǧimaratynda dın salasyndaǧy sarapşylar men dıni bırlestıkter ökılderınıŋ  qatysuymen «Qazırgı Qazaqstan qoǧamyndaǧy dınnıŋ rölı» taqyrybynda seminar jiyny öttı. Seminar Qazaqstan halqy Assambleiasy, «Qoǧamdyq kelısım» Respublikalyq memlekettık mekemesı, Almaty qalasy Dın ısterı jönındegı basqarmasy,  Qazaqstan Respublikasy Ǧylym jäne joǧary bılım ministrlıgı Ǧylym komitetınıŋ  Filosofiia, saiasattanu jäne dıntanu institutynyŋ ūiymdastyruymen öttı. Is-şarada elımızdegı dıni konfessiialar men olardyŋ maŋyzdylyǧy, qoǧamdaǧy, onyŋ ışınde jastar üşın alatyn ornynyŋ erekşelıgı taqyryptary söz etıldı. Söz basyn Filosofiia, saiasattanu jäne dıntanu instituty Dıntanu ortalyǧynyŋ direktory Almasbek Şaǧyrbai bastady. Ol el bırlıgınıŋ negızı tynyştyq pen bırlık ekenın aityp, ıs-şara moderatory boldy. «Tynyştyq pen bırlık el bolaşaǧynyŋ negızı. Nege deseŋızder, osydan bır jyl būryn oryn alǧan «Qaŋtar» oqiǧasyna bärıŋız kuäsızder. Bırneşe künnıŋ ışınde elımızdıŋ, äsem qala Almatymyzdyŋ qandai küige tüskenın kördık. «Tynyştyq» degen ūǧymnyŋ maŋyzyn sol oqiǧadan keiın tüsıngendeimız. Sol sebeptı qai jerde jürmesek te, el üşın qandai qyzmet ıstesek te, maqsatymyz tynyştyq pen el bırlıgın saqtau boluy tiıs», - dedı ol. Is-şara barysynda Älemdık jäne dästürlı dınder köşbasşylarynyŋ 7-sezı turaly beinerolik körsetıldı. Sonymen qatar, seminarǧa Almaty qalasy Dın ısterı jönındegı basqarmasynyŋ basşysy Nūrlan Qiqymov qatysty. «Elımızdıŋ bolaşaǧyn jaqsartuymyz üşın bız bügıngı jastardy tärbieleuımız qajet. Ol üşın olardyŋ qandai senımde ekenın, qandai bılım alyp, nemen ainalysyp jatqanyn baqylauǧa aluymyz tiıs», - dedı ıs-şaraǧa qatysqan Respublikalyq «Vainah» Qazaqstan şeşen-inguştar qauymdastyǧynyŋ töraǧasy Ahmet Mūradov. Is-şaraǧa qatysqan ärtürlı dıni bırlestık ökılderı de dınnıŋ qoǧamdaǧy rölı men jastar arasyndaǧy dıni ideologiianyŋ taraluyna baǧa berdı. «Kez kelgen dın qoǧamda gumanizmdı nasihattaidy. Bügıngı seminardyŋ da bız üşın maŋyzdylyǧy – bolaşaqtyŋ qamy», - dedı öz sözınde Almaty Ortalyq meşıtınıŋ naib imamy Timur Aliev. Būl pıkırge Almaty qalasynyŋ bas ravvinı Kogen Elhanda qosyldy: «Dını joq el memleket bolmaidy. Evreilerde «memleket bolmasa, adamdar bır-bırın tırıdei jeidı» degen söz bar. Al mūnyŋ tübınde bırlık te bolu kerek ekendıgınıŋ belgısı». «Adyrna» ūlttyq portaly  
Pıkırler