Basty bet
Jaŋalyqtar
Qaŋtardan keiıngı qamdanys. Toqaev polisiianyŋ adamdy azaptaityn täsılderge "qūnyǧuyn" doǧaruy kerek ekenın aitty

Qaŋtardan keiıngı qamdanys. Toqaev polisiianyŋ adamdy azaptaityn täsılderge "qūnyǧuyn" doǧaruy kerek ekenın aitty

30.06.2023

3621

https://adyrna.kz/content/uploads/2023/06/kz2-4770-2_mediumthumb.jpg

Işkı ıster ministrlıgınıŋ alqa mäjılısıne Prezident qatysyp, polisiia qyzmetkerınıŋ ıs-äreketıne qatysty pıkır bıldırdı.  Polisiianyŋ zaŋǧa baǧynatyn adamǧa qūrmetpen qarap, naqaqtan naqaq azapttaudy doǧaru qajet ekenın qadap aitty, dep habarlaidy "Adyrna" ūlttyq portaly. 

"Polisiia qyzmetkerı zaŋǧa baǧynatyn adamǧa qūrmetpen qarauy kerek. Al tärtıp būzuşylarmen zaŋ aiasynda söilesu qajet. Adamdy azaptauǧa, qinauǧa, tyiym salynǧan tergeu täsılderın qoldanuǧa müldem jol berılmeidı. Ärbır tärtıp saqşysy mūny jete tüsınuge tiıs", - dedı Prezident.

Memleket basşysy kündelıktı jūmys barysynda polisiia qyzmetkerlerı zaŋǧa jügınıp,  talaptardy saqtalsa, azamattardyŋ polisiiaǧa degen senımı artaatyndyǧyn da aitty.

"Ärine, qoǧam tarapynan da qūrmet boluy kerek. Halyqtyŋ tüsınıgınde polisiia azamattardy qorǧauşy, qoldauşy, qylmystyŋ aldyn aluşy, zaŋnyŋ oryndaluyn qadaǧalauşy boluǧa tiıs. Ökınışke qarai, qazır el arasynda polisiianyŋ kelbetı, bedelı däl sondai dep aita almaimyz. Tärtıp saqşysynyŋ zaŋdy talabyna baǧynbau, oǧan qoqan-loqy körsetu, tıptı, küş qoldanu dūrys emes. Osyndai äreketterdı doǧaru kerek. Mūndai jaǧdaida būzaqylar jauapsyz qalmauy qajet", - dedı Qasym-Jomart Toqaev.

Oraiy kelgende aita keteiık, "Qaŋtar oqiǧasy" kezındegı polisiianyŋ ıs-äreketıne qatysty qoǧamda türlı pıkır men közqarastar älı künge deiın aitylyp keledı. Basynda polisiianyŋ qorlyǧy ötkenıne köŋıl audara qoiǧandar bolmady, keiın şaǧym aituşylardyŋ sany artyp, bilık būl derekterge nazar salǧan. Bas prokuror Berık Asylov 5 qaŋtarda parlamenttegı jiynda «azaptau şaǧymdary boiynşa 329 ıs qozǧalyp, prokuraturada ŪQK men polisiianyŋ 34 qyzmetkerınıŋ ısı qaralyp jatqanyn aitqan edı.

Ūqsas jaŋalyqtar