Mäjılıs deputaty Däulet Tūrlyhanovtyŋ ūly basşynyŋ būiryǧyna baǧynbaǧany jäne oryndamaǧany üşın äkımşılık jauapkerşılıkke tartyldy, - dep habarlaidy "Adyrna" portaly Almaty sotynyŋ baspasöz qyzmetıne sılteme jasap.
"Almaty Äkımşılık qūqyq būzuşylyq ısterı jönındegı mamandandyrylǧan audanaralyq sotynda äkımşılık qūqyq būzuşylyq jasaǧan qatardaǧy B.-ǧa qatysty äkımşılık ıs qaraldy - äskeri bölım bastyǧynyŋ belgılengen tärtıppen berılgen būiryǧyn oryndaudan aşyq bas tartu. Sot 2023 jylǧy 2 şıldede äskeri bölımnıŋ äskeri qyzmetşısı qatardaǧy B.-nyŋ Almaty garnizonynyŋ gauptvahtasynan şyqqannan keiın komandirdıŋ būiryǧyna säikes özınıŋ äskeri bölımıne baruǧa mındettı bolǧanyn anyqtady. Alaida ol oǧan leitenant A. äkelgen bölım komandirınıŋ būl būiryǧyn oryndaudan aşyq türde bas tartyp, äskeri polisiia basqarmasynyŋ ǧimaratyna kelgen kölıkpen belgısız baǧytta ketıp qalǧan", - delıngen sot habarlamasynda.Sot otyrysynda Tūrlyhanovtyŋ ūly ıs materialdarynda körsetılgen derekterdı rastady.
"Sot qaulysy boiynşa, qatardaǧy jauynger B. ÄQBtK-nıŋ 652-baby 6-bölıgınde közdelgen äkımşılık qūqyq būzuşylyqty jasaǧany üşın kınälı dep tanylyp, oǧan 15 täulıkke äkımşılık qamaqqa alu türındegı äkımşılık jaza taǧaiyndaldy. Sot qaulysy küşıne engen joq", - delıngen habarlamada.Eske salaiyq, būǧan deiın Almatyda äskeri qyzmetker belgılı advokatty soqqyǧa jyqqany habarlanǧan bolatyn. Būl oqiǧa 11 aqpanǧa qaraǧan tünı Almatynyŋ sauda ortalyqtarynyŋ bırınıŋ maŋyndaǧy parkingte bolǧan. Is qoǧamdyq dau tudyrdy.
