Memleket basşysy Qasym-Jomart Toqaev Elordany damytu mäselelerı jönınde keŋes ötkızdı. Keŋeste Astana qalasy inforaqūrylymyn jetıldırudı söz etıp, qalanyŋ ötken jylu mausymyna daiyn bolmaǧanyn aitty. Sonymen qatar şeneunıkterdıŋ öz ısıne jauapkerşılıkpen qaramaitynyn synǧa aldy. İnjenerlık infraqūrylymdarda käsıbi mamandardyŋ emes, müldem basqa mamandyq ökılderınıŋ basşylyq etıp otyrǧanyn mälımdedı, dep habarlaidy "Adyrna" ūlttyq portaly.
Qasym-Jomart Toqaev Elordany damytu mäselelerı jönınde keŋeste bırqatar mäselelerdı atap aitty:
- Bırınşı mäsele. Astanany jylumen qamtamasyz etu jüiesı ornyqty boluy qajet. Elordadaǧy negızgı özektı mäseleler qalanyŋ damuyna qatysty tiıstı jospardyŋ, iaǧni dūrys josparlau jūmysynyŋ joqtyǧynan tuyndap otyr. Mūny aşyq aituymyz kerek. Baqylausyz jürgızılıp jatqan qūrylys, sapadan görı sanǧa män beru jäne jan-jaqty oilastyrylmaǧan şeşımder qaladaǧy ömırlık maŋyzy bar infraqūrylymnyŋ tapşylyǧyna alyp keldı. Jaǧdaidyŋ sonşalyqty müşkıl boluyna jauapty basşylardyŋ bılıksızdıgı nemese bas paidasyn oilaǧandyǧy sebep boldy. Qala basşylyǧy qūrylys kompaniialarynyŋ paidasyn emes, memleket pen azamattardyŋ müddesın bärınen biık qoiuǧa tiıs», - dedı Toqaev.Sonymen qatar ötken jylu mausymyndaǧy qala jaǧdaiynyŋ qandai bolǧanyn eske salyp öttı:
"Ötken jylytu mausymynda elordada aitarlyqtai qiyndyqtar boldy. Qys - jylu quatynyŋ tapşylyǧymen öttı. Jergılıktı bilık milliondaǧan şarşy metr tūrǧyn üidıŋ qūrylysyn jalǧastyryp jatyr, alaida olar qalypty jylumen qamtamasyz etu jüiesıne tolyq daiyn emes. Qalanyŋ injenerlık infraqūrylymyn damytu köbınese kommunaldyq käsıporyndardy basqaratyn şeneunıkterdıŋ käsıbilıgıne bailanysty. Jeŋıs Mahmūdūly, jyl basynda sızge qalalyq kommunaldyq käsıporyndardyŋ basşylyq qūramyna taldau jürgızu tapsyryldy. Būl tapsyrma, menıŋ tüsınuımşe, älı de oryndalu satysynda. Elordada JEO–ny zaŋger, REK-tı – baǧalauşy, jylu tranzitın – agronom, qalalyq su arnasyn - zootehnik basqarady. Ärkım öz käsıbıne sai qyzmetpen ainalysuy kerek ekenıne tereŋ senımdımın, - dedı Prezident.Toqaev jiyn barysynda jylu elektr ortalyqtaryn qaita jaŋartu men paidalanuǧa beru mäselesın qarastyrdy. Tehnika men mamandardyŋ jetıspeitındıgın aşyq aitty. Astana elımızdıŋ ılgerıleuınıŋ lokomotivı bolyp tabylady, sondyqtan tūraqtylyq pen ornyqty damudyŋ ülgısı boluǧa tiıs. Jalpy, Ükımet barlyq öŋırlerde jylytu mausymyna daiyndyqty baqylauda ūstauy kerek. Ekıbastūzdaǧydai 30 gradus aiazda tūrǧyndardyŋ jylusyz qalǧan jaǧdailaryn taǧy qaitalauǧa jol bermeu kerek, - dedı memleket basşysy.
"Adyrna" ūlttyq portaly
Ūqsas jaŋalyqtar
