Endi 15 jastan asqan jasóspirimder poıyzben júrý úshin ata-anasynyń senimhatyn almaıdy. Bul týraly kólik prokýratýrasynyń baspasóz qyzmeti málimdedi, dep habarlaıdy “Adyrna” ulttyq portaly.
Bas kólik prokýratýrasy josparly taldaý nátıjesi boıynsha ınvestıııalar jáne damý mınıstriniń buıryǵyna narazylyq bildirdi.
«Temirjol kóligimen jolaýshylardy, bagajdy, júk bagajdy jáne poshta jóneltilimderin tasymaldaý qaǵıdalaryn bekitý týraly» buıryqqa sáıkes 15 jáne odan asqan balalar «QTJ»UK» AQ-nyń qyzmetterin zańdy ókilden notarıaldy kýálandyrylǵan jazbasha kelisim men senimhat bolǵan jaǵdaıda ǵana derbes paıdalana alatyny anyqtaldy.
Bul norma Azamattyq kodeks pen «Notarıat týraly» zańǵa sáıkes «kelisimdi» kýálandyrý jeke notarıattyq is-áreket bolyp sanalatynyn jáne «senimhat» túrinde basqa qujatty resimdeýdi talap etpeıtinin eskermegen.
Bul erejelerdi qoldaný monıtorıngi kórsetkendeı, jolserikter osy qaǵıdalarǵa silteme jasap, bundaı jolaýshylar saparǵa jiberilmeı nemese olardy qozǵalys barysynda alynyp tastalynǵan jaǵdaılar bolǵan.
Búgingi tańda Indýstrııa jáne ınfraqurylymdyq damý mınıstrligi prokýratýranyń narazylyǵyn tolyq kólemde qanaǵattandyrdy jáne «QTJ» UK»AQ bir ǵana qujattyń (notarıaldy kýálandyrylǵan kelisim) bolýy boıynsha osyndaı qyzmetter kórsetý týraly nusqaý berdi, - dep atap ótti Kólik prokýratýrasynyń baspasóz qyzmeti.
Odan bólek, ýákiletti organ Jolaýshylardy temir jol kóligimen tasymaldaý jónindegi qaǵıdalarǵa tıisti túzetýler engizý jáne jalpy ony jetildirý jumystaryn jalǵastyrýda.
