Qaraǵandy oblystyq máslıhatyn Buqar jyraý aýdanynyń ákimi bolyp jumys istegen Núrken Qobjanov basqarýda. Ol qyzmetke aǵymdaǵy jyldyń 30-shy naýryzynda kiristi. Onyń kandıdatýrasyn VIII shaqyrylymnyń birinshi sessııasynda jańadan saılanǵan depýtattar biraýyzdan maquldady. Zańnamaǵa sáıkes ókildi organǵa aýysýyna baılanysty Núrken Qobjanov aýdan basshysy qyzmetinen ketedi.
– Memlekettik qyzmette shamamen 17 jyl jumys istedim. Halyqtyń problemalaryn bilemin, bul máselelerdi ókildi organda sheshýdi sheshtim. Búgin otstavkaǵa ketý týraly ótinish beremin, – dedi Núrken Qobjanov.
Birinshi sessııa saılaý qorytyndylaryn jarııalaýdan bastaldy.
Oblystyq saılaý komıssııasynyń tóraǵasy Qaırat Núrkenovtyń aıtýynsha, óńirde barlyq deńgeıdegi máslıhattardyń 214 depýtaty saılanǵan.
Alǵash ret oblystyq máslıhatqa saılaý proporıonaldy majorıtarlyq júıe boıynsha ótkizildi. 36 orynnyń jartysyn bir mandatty okrýgter boıynsha saılanǵan depýtattar ıelendi. Jáne 18 mandat partııalyq tizimder boıynsha bólindi.
Saılaý nátıjesinde Qaraǵandy oblystyq máslıhatynyń quramy jańartyldy. Aldyńǵy shaqyrylymnan segiz adam depýtattyq ókilettikterin saqtap qaldy.
Sessııada jańadan saılanǵan depýtattarǵa kýálikter tabystaldy.
Sodan keıin oblystyq máslıhattyń tóraǵasy saılandy. Sondaı-aq, depýtattar turaqty komıssııalarǵa bólinip, olardyń tóraǵalaryn saılady.
Depýtattarǵa oblys ákimi Ermaǵanbet Bólekpaev júgindi. Óńir basshysy birlesip sheshiletin mindetterdi belgiledi. Basymdyqtardyń qataryna jumyspen qamtý, shaǵyn jáne orta bıznesti damytý, qoljetimdi baspana, sapaly densaýlyq saqtaý jáne bilim berý jatady.
– Aǵymdaǵy jyly bizdiń aldymyzda 10 myńnan astam jańa jumys ornyn qura otyryp, jalpy óńirlik ónimdi 2,4%-ǵa ulǵaıtý mindeti tur. Ol úshin 147 mlrd teńgege 11 ınvestıııalyq jobany iske asyrý josparlanýda, – dep atap ótti Ermaǵanbet Bólekpaev. – Saılaýshylar sizderdiń aldaryńyzǵa sheshýdi qajet etetin birqatar máseleler qoıdy. Birlesken kúsh-jigerdiń arqasynda biz óńirdiń odan ári damýyn qamtamasyz etip, turǵyndarymyzdyń ómir súrý sapasyn arttyratynymyzǵa senimdimin.
