Mańǵystaý oblysynda jalpy bilim beretin mektepteriniń birinde 76 mln teńgeden astam bıýdjet qarajaty jymqyrylǵan. Bul týraly oblystyq prokýratýranyń baspasóz qyzmeti málimdedi, dep habarlaıdy “Adyrna”.
Shtattyq keste men banktik shottardy salystyrý barysynda 3 jyl boıy ózine artyq somany eseptegen mekteptiń bas býhgalteriniń tıisti jáne is-júzinde tólengen jalaqysynyń arasyndaǵy aıyrmashylyq anyqtaldy, - delingen prokýratýranyń habarlamasynda.
Atalǵan fakti boıynsha prokýrorlarmen qylmystyq is qozǵalyp, tergeý ekonomıkalyq tergeý departamentine tapsyryldy.
Tergeý barysynda atalǵan mekteptiń esepshisi kinásin tolyqtaı moıyndady.
Sondaı-aq, sot úkimimen kináli adam Qazaqstan Respýblıkasy Qylmystyq kodeksiniń 189-babynyń 4-bóligi (senip tapsyrylǵan múlikti ıemdený jáne ysyrap etý) boıynsha 5 jyl merzimge materıaldyq-jaýapty laýazymdardy atqarý quqyǵynan aıyryla otyryp, 7 jylǵa bas bostandyǵynan aıyryldy.
Sot úkimi zańdy kúshine engen joq.
