«Bır auyl – bır önım» jobasy finalisterınıŋ bırı – jetısulyq Nūrjänet Erdäulet üi şaruaşylyǧynda şeberhana ūiymdastyrdy. Ol saumal, qymyz, airan, bal, januar maiynan ata-baba ädısı boiynşa sabyn şyǧarady, dep habarlaidy QazAqparat tılşısı.
Onyŋ aituynşa, sabyn - özınıŋ qasietterımen erekşe, būl kosmetikanyŋ bır türı. Äiel öz tauaryn Jetısu oblysynyŋ äielder käsıpkerlıgın damytu ortalyǧynyŋ arqasynda satty.
«Sabyn jasaudyŋ ejelgı ädısın äjemnen üirendım. Bız Qytaidan Qazaqstanǧa köşken kezde būl ädıstı zamanaui türde jandandyrudy şeştım. Sabynǧa hoş iıs, tüs berıp, pışındı taŋdadym», - deidı ol.
Jetısu oblysy käsıpkerler palatasynyŋ töraǧasy Däuren Oŋalbaevtyŋ aituynşa, käsıpker keŋes alu üşın ötken jyly palataǧa jügıngen. Käsıpkerlıktı damytu ortalyǧynda oǧan qajettı kömek pen qoldau körsetılgen. Qazırgı uaqytta käsıpker Aqsu audanynda ıs bastap, kosmetikalyq sabyn şyǧarumen şūǧyldanady. Biyl ol «Qorǧas» ŞYHO halyqaralyq körmesıne qatyspaq.
«Sabyn tek bızdıŋ elde ǧana emes, elden tys jerlerde de sūranysqa ie. Önımderım bırden satylymǧa şyǧyp, endı Qytai Halyq Respublikasynan da tapsyrystar kelıp tüsıp jatyr», - deidı Nūrjänet Erdäulet.
Endı käsıpker biznestı keŋeitudı josparlap otyr, būl jergılıktı tūrǧyndardy jūmyspen qamtuǧa mümkındık beredı.
Aita keteiık, "bır auyl – bır önım" jobasyna qatysuşylardyŋ üşeuı jeŋımpaz bolady, al bolaşaqta onymen bırge olardyŋ önımderın jyljytu boiynşa jūmystar jürgızıledı, konsultasiialyq süiemeldeu, respublikalyq deŋgeide nasihattau jüzege asyrylady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz