Gül dükenınde dau şyǧarǧan polisiia departamentınıŋ qyzmetkerlerıne qatysty tergeu bastaldy. Būl turaly özındık qauıpsızdık departamentı mälımdedı, dep habarlaidy “Adyrna” ūlttyq portaly.
Aqparatqa säikes, özındık qauıpsızdık departamentı būrynǧy uchaskelık inspektor Mūhtar Bekovtıŋ "ROMANTIC" gül salony men "Eldorado" resto-barynyŋ jūmysşylaryna qatysty jasaǧan zaŋsyz äreketterıne bailanysty būqaralyq aqparat qūraldarynda taralǧan mälımetterdı tekserdı.
Bekovke qatysty Qazaqstan Respublikasy Qylmystyq kodeksınıŋ 191-babynyŋ 2-bölıgı "Tonau" boiynşa sotqa deiıngı tergeu bastaldy.
Şymkent qalasy polisiia departamentı qyzmetkerlerınıŋ ıs-äreketterınıŋ zaŋdylyǧyn Qazaqstan Respublikasy Qylmystyq kodeksınıŋ 371-babynyŋ 1-bölıgı "Salǧyrttyq" boiynşa bastalǧan sotqa deiıngı tergep-tekseru barysynda özındık qauıpsızdık bölımşesı tekseretın bolady, delıngen habarlamada.
Vedomstvo ekı qylmystyq ıs boiynşa jürgızılıp jatqan tergeudıŋ obektivtılıgı men jan-jaqtylyǧyn qamtamasyz etetın bolady.
Eske salaiyq, būǧan deiın gül satuşynyŋ soqqyǧa jyqqan eks-poliseidıŋ üstınen qylmystyq ıs qozǧalǧany turaly habarlaǧan edık. Odan keiın gül satuşyny soqqyǧa jyqqan eks-poliseidıŋ taǧy bır oqiǧaǧa qatysy bar ekenı anyqtaldy.
