Ahmetjan Esımov Almaty äkımı bolǧan kezeŋde 7 mlrd teŋgege zaŋsyz berılgen jer telımderı memleket menşıgıne qaitaryldy, dep habarlaidy "Adyrna" portaly.
«Qūny 7 mlrd teŋgenı qūraityn jer telımderı memleketke qaitaryldy», - dep habarlady särsenbı künı qalalyq prokuraturada.
Zaŋsyz berılgen jer uchaskesın Almaty qalasynyŋ qadaǧalau organy taldau barysynda anyqtady.
«2014 jyly Almaty qalasynyŋ şekarasyn keŋeitu nätijesınde Almaty oblysynyŋ jer telımderınıŋ bır bölıgı qalanyŋ qūramyna kırdı. Osylaişa, «Halyqaralyq klubtar qauymdastyǧy» JŞS-ne qosalqy şaruaşylyq jürgızu üşın Almaty oblysy Qarasai audanynan 30,9 gektar jer telımı alyndy. Alaida, JŞS jer telımınıŋ kadastrlyq qūnyn töleu boiynşa mındettemelerın oryndamaǧan. Prokuraturanyŋ talap-aryzy boiynşa Almaty qalasynyŋ mamandandyrylǧan audanaralyq ekonomikalyq sotynyŋ şeşımımen uchaske memleket menşıgıne qaitaryldy. Sot şeşımı zaŋdy küşıne engen joq», - dep naqtylady prokuratura.
Aita keteiık, būl kezeŋde Almaty äkımı qyzmetın eks-prezident Nūrsūltan Nazarbaevtyŋ jienı Ahmetjan Esımov atqarǧan bolatyn.
Ūqsas jaŋalyqtar
